بۇرىنعى ۇقك ءتوراعاسى بولعان كارىم ماسىموۆكە قاتىستى سوت ۇكىمى شىقتى. 

ك.ءماسىموۆ پەن ا.سادىقۇلوۆقا مەملەكەتكە وپاسىزدىق جاساۋ، بيلىكتى كۇشپەن باسىپ الۋ، بيلىك پەن لاۋازىمدىق وكىلەتتىگىن اسىرا پايدالانۋ، د.ەرعوجينگە بيلىكتى كۇشپەن باسىپ الۋ، بيلىك پەن لاۋازىمدىق وكىلەتتىگىن اسىرا پايدالانۋ، م.وسيپوۆكە بيلىك پەن لاۋازىمدىق وكىلەتتىگىن اسىرا پايدالانۋ ايىبى تاعىلدى.

ك.ءماسىموۆ قك-تىڭ 175-بابىنىڭ 1-بولىگى، 179-بابىنىڭ 3-بولىگى، 362-بابىنىڭ 4-بولىگى 3-تارماعى بويىنشا كىنالى دەپ تانىلدى. وعان 18 جىلعا باس بوستاندىعىنان ايىرۋ، مۇلكى تاركىلەنىپ، ءومىر بويى مەملەكەتتىك قىزمەتتە قىزمەت اتقارۋ قۇقىعىنان ايىرۋ جازاسى تاعايىندالدى.

ءا.سادىقۇلوۆ قك-تىڭ 175-بابىنىڭ 1-بولىگى، 179-بابىنىڭ 3-بولىگى، 362-بابىنىڭ 4-بولىگى 3-تارماعى بويىنشا كىنالى دەپ تانىلدى. وعان 16 جىلعا باس بوستاندىعىنان ايىرۋ جازاسى تاعايىندالدى، ءومىر بويى مەملەكەتتىك قىزمەتتە قىزمەت ەتۋ قۇقىعىنان ايىرىلدى.

د.ەرعوجين قك-تىڭ 179-بابىنىڭ 3-بولىگى، 362-بابىنىڭ 4-بولىگى 3-تارماعى بويىنشا كىنالى دەپ تانىلدى. وعان 15 جىلعا باس بوستاندىعىنان ايىرۋ جازاسى تاعايىندالدى، ءومىر بويى مەملەكەتتىك قىزمەتتە قىزمەت ەتۋ قۇقىعىنان ايىرىلدى.

م.وسيپوۆ قك-تىڭ 362-بابىنىڭ 3-بولىگى بويىنشا كىنالى دەپ تانىلدى جانە وعان مەملەكەتتىك قىزمەتتە قىزمەت اتقارۋ قۇقىعىنان ايىرا وتىرىپ، 3 جىلعا باس بوستاندىعىنان ايىرۋ جازاسى تاعايىندالدى.

ك. ءماسىموۆ، ا. سادىقۇلوۆ، د.ەرعوجين جانە م. وسيپوۆ گەنەرال اتاقتارىنان جانە مەملەكەتتىك ناگرادالاردان ايىرىلدى.

مەملەكەت كىرىسىنە 10 ميلليارد تەڭگە جانە 24 ميلليون اقش دوللارىنان استام استام ءوندىرىلدى.