قوعام بەلسەندىسى ينگا يمانباي جۇبايى جانبولات مامايدىڭ دەنساۋلىعىنا قاتىستى مالىمدەمە جاسادى. ونىڭ ايتۋىنشا، جانبولات ماماي دەنساۋلىعى جاقسارىپ، پالاتاعا اۋىستىرىلدى.
“بۇگىن جانبولاتتىڭ جاعدايى كىشكەنە جاقسارىپ، تابەتى اشىلدى. قىزىل بورتپە ءالى دە كەتكەن جوق، ءبىراق كوبەيۋدى دە توقتاتتى. دارىگەرلەر جاقسارۋ ديناميكاسى بار دەيدى. جانبولاتتىڭ دەنساۋلىق جاعدايى دارىگەرلەر مەن اۋرۋحانا باسشىلىعىنىڭ باقىلاۋىندا. ولار ونىڭ تەزىرەك ساۋىعىپ كەتۋىنە كومەكتەسەدى دەپ ۇمىتتەنەمىز!”، – دەپ جازدى جۋرناليست جەلىدەگى پاراقشاسىنا.
حالىقارالىق ۇيىمدار مەن شەتەلدىك ديپميسسيالار وكىلدەرى وزىمەن بايلانىستا ەكەنىن ايتقان ينگا يمانباي جۇبايىنىڭ ەم قابىلداۋى قيىندىقسىز وتەرىنە سەنىم ءبىلدىردى.
ەسكە سالايىق، بۇدان بۇرىن جانبولات مامايدىڭ قاتتى سىرقاتتانىپ، جانساقتاۋ بولىمىنە تۇسكەنى حابارلانعان
پىكىر قالدىرۋ