2023 جىلعى 1 مامىرداعى جاعداي بويىنشا جەرگىلىكتى اتقارۋشى ورگانداردىڭ رۇقساتىمەن قازاقستان اۋماعىندا 15 129 شەتەل ازاماتى جۇمىس ىستەيدى، دەپ حابارلايدى ەڭبەك جانە حالىقتى الەۋمەتتىك قورعاۋ مينيسترلىگى.
شەتەل جۇمىس كۇشىن تارتۋعا رۇقساتتاردىڭ اراسىندا مىناداي ساناتتار بار: باسشىلار مەن ولاردىڭ ورىنباسارلارى ءۇشىن 583 رۇقسات (ءبىرىنشى سانات)، قۇرىلىمدىق بولىمشەلەردىڭ باسشىلارى ءۇشىن 2 993 رۇقسات (ەكىنشى سانات).
شەتەلدىك جۇمىس كۇشىنىڭ نەگىزگى بولىگى ءۇشىنشى (ماماندار) جانە ءتورتىنشى (بىلىكتى جۇمىسشىلار) ساناتتارعا جاتادى – تيىسىنشە 7 080 جانە 891 ادام. سونداي-اق ماۋسىمدىق جۇمىستارعا 1 717 ادام، ال كورپوراتيۆتىك اۋىستىرۋ اياسىندا 1 865 ادام تارتىلدى.
"قازىرگى ۋاقىتتا قازاقستاندا شەتەلدىك جۇمىس كۇشىن پايدالاناتىن 1 746 جۇمىس بەرۋشى بار. ولاردا 411،5 مىڭنان استام قازاقستان ازاماتى جۇمىس ىستەيدى، بۇل قىزمەتكەرلەردىڭ جالپى سانىنىڭ 96%ء-ى"، - دەلىنگەن حابارلامادا.
پىكىر قالدىرۋ