اباي وبلىسىنداعى ورمان ءورتى 30 مىڭ گەكتارعا جەتتى. بۇل تۋرالى توتەنشە جاعدايلار مينيسترلىگى حابارلادى. بۇعان دەيىن ورتەنگەن ايماقتىڭ 2 مىڭ گەكتار بولعانى ايتىلىپ كەلگەن ەدى.
"ورمان شارۋاشىلىعى كوميتەتىنىڭ اقپاراتىنا سايكەس ءورت اۋماعى – 30 000 گا. 6 تىكۇشاق تارتىلدى، ءورت اۋماعىن اەروۆيزۋالدى تەكسەرۋ جانە ءورت وشاقتارىنا سۋ اعىزۋ جۇزەگە اسىرىلىپ جاتىر. ءورت وشاقتارىنا اۋەدەن 55 رەت سۋ توگىلدى، جالپى كولەمى 154 توننانى قۇرايدى" دەپ جازىلعان مينيسترلىكتىڭ حابارلاماسىندا.
ءورت سوندىرۋگە 600-دان استام ادام، بۇعان قوسا 168 تەحنيك جۇمىلدىرىلعان.
پىكىر قالدىرۋ