شارانىڭ ماقساتى – جاس بۋىندى قازاقستاندىق پاتريوتيزم رۋحىندا تاربيەلەۋ.

جيىنعا سپورتتىق، اسكەري-پاتريوتتىق كلۋبىنا مۇشە بالالار مەن جاسوسپىرىمدەر قاتىستى، دەپ حابارلايدى Almaty-akshamy.kz

جيىنعا الماتى قالاسىنداعى مەكتەپتەردەن «جاس بۇركىت» سپورتتىق، اسكەري-پاتريوتتىق كلۋبىنا مۇشە «بۇركىت بوپ كوكە سامعايمىز، ەلىمىزدى قورعايمىز!» ۇرانىن جالاۋلاتقان 50-دەن اسا بالا مەن ءجاسوسپىرىم قاتىستى.

اسكەري ءىس-شارانىڭ ماقساتى – ءوسىپ كەلە جاتقان جاس بۋىن مەن اسكەرگە دەيىنگى جاستارعا وتانىمىزدىڭ تاريحىن وقىتۋ نەگىزىندە، قازاقستاندىق پاتريوتيزم رۋحىندا تاربيەلەۋ، اسكەري قىزمەتتىڭ بەدەلىن جانە ق ر ۇلتتىق ۇلانىنىڭ مارتەبەسىن ارتتىرۋ، اسكەري ءىستى مەڭگەرۋ جانە جاستاردى اسكەري قىزمەتكە فيزيكالىق دايىنداۋ. سونداي-اق، بالالاردىڭ، جاسوسپىرىمدەردىڭ جانە اسكەرگە دەيىنگى جاستاردىڭ مورالدىق بىرلىگىن، اسكەري-پاتريوتتىق، سپورتتىق جانە اسكەري-تەحنيكالىق دايىندىقتارىن شىڭداۋ.

دالالىق جيىنعا العاش رەت شىعىپ وتىرعان بولاشاق ساربازدار «نايزا»، «باتىرلار» جانە «ساق» دەپ اتالاتىن ءۇش توپقا ءبولىنىپ، ءبىر اپتا بويى كۇن تارتىبىنە سايكەس ساپتىق دايىندىق، جارالانعان جولداسىنا العاشقى مەديسينالىق كومەك كورسەتۋ، توپوگرافيا، الپينيزم، سۋدا ءجۇزۋ جانە سپورتتىق دايىندىق پاندەرىنەن بىلىمدەرىن شىڭداپ، اسكەري ءومىردىڭ قىر سىرىمەن تانىستى. قۋانارلىعى، الماتىلىق جاسوسپىرىمدەر بۇل پراكتيكالىق وقۋ-جاتتىعۋ ءىس-شاراسىنا اسا قىزىعۋشىلىقپەن قاتىستى.

سونىمەن قاتار اسكەري-پاتريوتتىق كلۋب تاربيلەنۋشىلەرى مەكتەپ قابىرعاسىندا العان اسكەري دايىندىق بويىنشا العان بىلىمدەرىن كورسەتىپ، پنيەۆماتيكالىق قارۋدان وق اتىپ، اك-74 اۆتوماتىن بەلگىلەنگەن نورماتيۆكە ساي بولشەكتەپ، جيناپ ءوز شەبەرلىكتەرىن كورسەتە ءبىلدى.