بۇگىن مينيستر باعدات مۋسينگە جۋرناليستەر استانا قالاسىندا ينتەرنەت ناشارلاپ كەتكەنىن ايتىپ شاعىمداندى. مينيستر ءبۇل ماسەلەگە قاتىستى كسەل باسشىلىعىنا حابارلاسقانىن ايتتى. ونىڭ سوزىنشە ينتەرنەت تەحنيكالىق اقاۋلارعا بايلانىستى ينتەرنەتتىڭ ناشار بولۋى 15-20 مينۋتقا عانا سوزىلعان.
"ءقازىر تۇستە بۇدان دا ناقتىراق اقپاراتتاردى بىلۋگە تىرىسامىن. ءيا، ءقازىر ولاردا (بايلانىس وپەراتورلارىندا) جەلىنى 3G نەمەسە 4G-دەن 5G-گە اۋىستىرۋ جۇمىستارى جۇرگىزىلىپ جاتىر. سول ۋاقىتتا قانداي دا ءبىر تەحنيكالىق اقاۋلار بولۋى مۇمكىن»، - دەيدى ول.
سونداي-اق مينيستر ەلىمىزدەگى ينتەرنەت ساپاسى باسقا ەلدەرگە قاراعاندا الدەقايدا جاقسى ەكەنىن ايتتى.
"سىزدەر دە Speedtest حالىقارالىق رەيتينگىنە سۇيەنسەڭىزدەرشى. ەگەر وسى حالىقارالىق رەيتينگ استانانىڭ 35 پوزيسياعا كوتەرىلگەنىن جازسا دەمەك ءبىز 35 قالانى وزىپ كەتتىك. ءتىپتى توكيونى باسىپ وزدىق. سول رەيتينگتى جاساعان مەن ەمەس قوي!؟"، - دەيدى مۋسين.
پىكىر قالدىرۋ