ازەربايجان بيلىگىنىڭ رەسمي مالىمەتىنشە مويىندالماعان تاۋلى قاراباقتىڭ بۇرىنعى پرەزيدەنتى ارايك ارۋتيۋنيان، اركادي گۋكاسيان جانە پارلامەنت ءتوراعاسى داۆيدا يشحانيانانى ۇستالدى. ولار ستەپاناكەرتتە ۇستالىپ، باكۋ قالاسىنا جەتكىزىلگەن.
تاۋلى قاراباقتىڭ مەملەكەتتىك ءمينيسترى ارتۋر ارۋتيۋنيان ازاتتىقتىڭ ارميان قىزمەتىنە ءوزى جانە تاۋلى قاراباقتىڭ ۇلتتىق قاۋىپسىزدىك قىزمەتىنىڭ ديرەكتورى ارارات مەلكۋميان، ىشكى ىستەر ءمينيسترى كارەن سارگسيان جانە پرەزيدەنت اكىمشىلىگىنىڭ جەتەكشىسى كارەن شاحرامانيان 3 قازاندا ازەربايجان باقىلاۋ وتكىزۋ پۋنكتى ارقىلى ارمەنياعا كىرگەنىن ايتتى. ول بۇرىنعى پرەزيدەنتتەر مەن پارلامەنت سپيكەرىنىڭ ۇستالعانىنا بايلانىستى تۇسىنىكتەمە بەرمەدى.
بۇعان دەيىن ءازىربايجان تاۋلى قاراباقتىڭ بۇرىنعى 4 ساياسي جانە اسكەري باسشىلارىن تۇتقىنداعان: بۇرىنعى مەملەكەتتىك مينيستر رۋبەن ۆاردانيان، بۇرىنعى سىرتقى ىستەر ءمينيسترى ديەۆيد بابايان، قورعانىس ارمياسىنىڭ بۇرىنعى قولباسشىسى ليەۆون مناساكانيان جانە قورعانىس ارمياسى قولباسشىسىنىڭ بۇرىنعى ورىنباسارى ديەۆيد مانۋكيان.
پىكىر قالدىرۋ