بۇگىن ماجىلىستە قازاقستانعا شەكارانى زاڭسىز كەسىپ ءوتىپ كەلگەن قىتايدان كەلگەن قانداستاردىڭ ماسەلەسى كوتەرىلدى. دەپۋتات ەرمۇرات باپي قانداستاردىڭ ءۇشىنشى ەلگە ءوتىپ كەتۋىنە كومەك بەرۋ كەرەگىن ايتتى.
"بۇل ازاماتتار قازاقستاندا دارىگەرگە قارالۋ، جۇمىس ورنىن تابۋ، ءتىپتى سيم-كارتا الۋدا پروبلەمالارعا كەزىككەن. ارينە، بۇل جەردە قازاقستان مەن جۇڭگو اراسىندا جاسالعان ءتۇرلى مەملەكەتتىك كەلىسىمدەر بار عوي. ءبارىن ءتىزىپ شىعاتىن ەمەس. سوندىقتان قازاقستان بىرىنشىدەن، وسى كەلىسىمدەرگە كەرى قىلىق، ارەكەت جاساعىسى كەلمەيدى.
ەكىنشىدەن، ۇلى كورشىسىنىڭ اشۋىن تۋدىرعىسى كەلمەيدى. بۇل تۇسىنىكتى جاعداي. سوندىقتان بۇل ازاماتتارعا بوسقىن مارتەبەسىن نەمەسە ازاماتتىق بەرە الماساق، تىم قۇرىعاندا ءۇشىنشى ەلگە كەتۋگە مۇمكىندىك جاساپ بەرۋ كەرەك. سايراگۇل ساۋىتباي كەتكەندەي، قاستەر، مۇراگەر، قايشا ۇشەۋىنە ءۇشىنشى ەلگە مۇمكىندىك بەرەتىندەي ۆيزا بەرۋ كەرەك"، - دەدى دەپۋتات ءماجىلىس كۋلۋارىندا.
پىكىر قالدىرۋ