قاسىم-جومارت توقايەۆ ىشكى ىستەر مينيسترلىگىنە ەلوردا مەيرامحانالارىنىڭ بىرىندە بولعان كىسى ولىمىنە قاتىستى رەزونانس تۋدىرعان وقيعانى ەرەكشە باقىلاۋعا الۋدى تاپسىردى، دەپ حابارلايى Qamshy.kz اقورداعا سىلتەمە جاساپ.
"زاڭ بارىنە بىردەي. ازاماتتارىمىز زاڭدىلىقتى نىعايتۋ جولىندا جۇدىرىقتاي جۇمىلسا عانا قوعامدا ادىلدىك ورنايدى. ادىلەتتى قازاقستان – زاڭ مەن ءتارتىپ ۇستەمدىك قۇراتىن ەل"، – دەدى پرەزيدەنت.
پرەزيدەنت ىشكى ىستەر ءمينيسترى ەرجان سادەنوۆپەن، باس پروكۋرور بەرىك اسىلوۆپەن، جوعارعى سوت ءتوراعاسى اسلامبەك مەرعالييەۆپەن كەزدەسۋ وتكىزگەن.
قاسىم-جومارت توقايەۆتىڭ پىكىرىنشە، زاڭ مەن ءتارتىپ قاعيداتى قازاقستان قوعامىنىڭ يدەولوگيالىق جانە ساياسي تەمىرقازىعىنا اينالۋى ءتيىس. قازىرگى قالىپتاسقان جاعداي كوشەدەگى مادەنيەتسىزدىكتەن باستاپ توبەلەس، ۇرلىق، كىسى ولتىرۋگە دەيىنگى قۇقىقبۇزۋشىلىقتىڭ بارلىق تۇرىنە ىمىراسىز قارسى تۇرۋدى تالاپ ەتەدى.
پىكىر قالدىرۋ