شىمكەنت پوليسياسى جاڭا تۋعان نارەستەنى ساتۋ دەرەگىن انىقتادى. بۇل تۋرالى ءىىم ۇيىمداسقان قىلمىسقا قارسى كۇرەس دەپارتامەنتىنىڭ باسشىسى قانات نۇرماعامبەتوۆ مالىمدەدى.
كەلىنشەك 45 جاستاعى دەلدال ارقىلى ءسابيىن ساتىپ الاتىن ادامدى ىزدەيدى. ونىڭ ايتۋىنشا، سول اقشا ارقىلى نەسيەسىن جابۋدى جوسپارلاعان.
"ۇستالعان كەلىنشەكتىڭ بۇعان دەيىن بىرنەشە رەت الاياقتىق ءۇشىن جاۋاپقا تارتىلعانى انىقتالدى، موينىندا ءبىراز قارىز دا بار بولىپ شىقتى"، - دەدى نۇرماعامبەتوۆ ونلاين بريفينگتە.
مينيسترلىكتىڭ دەرەگىنشە "كامەلەتكە تولماعان بالانى ساتۋ" بابى بويىنشا ءىس قوزعالعان. كۇدىكتىلەر ۋاقىتشا ۇستاۋ اباقتىسىنا قامالعان.نارەستە بالالار ۇيىنە ورنالاستىرىلعان.
پىكىر قالدىرۋ