قاماۋداعى جۋرناليست ايگەرىم تىلەۋجاننىڭ دەنساۋلىعى ناشارلاپ جاتقانى حابارلاندى. بۇل تۋرالى بەلسەندى رينات رافحات ءوزىنىڭ فەيسبۋك پاراقشاسىندا جازدى.
"بۇگىن ادۆوكاتىنىڭ ايتۋىنشا ايگەرىمنىڭ ومىرتقاسى اۋىرۋدا. سالدارىنان پروترۋزياسى اسقىنعان دەيدى. وعان دەيىن اشتىق جاريالاعان كەزدە ونىڭ بىرنەشە ءتىسى ءتۇسىپ قالعان كورىنەدى. قالاي بولعاندا دا ايگەرىمگە شۇعىل، كەشەندى مەديسينالىق كومەك قاجەت"، دەپ جازدى بەلسەندى.
ەسكە سالساق، جۋرناليست، اۋدارماشى، ساياسي بەلسەندى ايگەرىم تىلەۋجان قاڭتار وقيعاسى كەزىندە "الماتى اۋەجايىن باسىپ الۋدى ۇيىمداستىردى" دەگەن ايىپپەن 2023 جىلى 11 شىلدەدە سوت ۇكىمىمەن 4 جىلعا باس بوستاندىعىنان ايىرىلعان. ول وزىنە تاعىلعان ايىپپەن كەلىسپەگەن، ءىستى "ساياسي تاپسىرىس" دەپ اتاعان. قازاقستاندىق قۇقىق قورعاۋشىلار ونى «ساياسي تۇتقىن» دەپ تانىعان.
پىكىر قالدىرۋ