اقتاۋ اۋەجايىندا ەسىرتكى تاسىمالداعان شەتەلدىكتەر ۇستالدى. بۇل تۋرالى ۇقك باسپا ءسوز قىزمەتى حابارلادى.
كوميتەت 2024 جىلدىڭ 24 قاڭتارىندا اقتاۋ قالاسىنىڭ حالىقارالىق اۋەجايىندا ماڭعىستاۋ وبلىسىنداعى دەپارتامەنتتىڭ جەدەل قىزمەتكەرلەرى مەن شەكاراشىلار ەسىرتكى تاسىمالدادى دەگەن كۇدىكپەن ەكى شەتەلدىك ازاماتتى ۇستاعانىن حابارلايدى.
– وسى جولاۋشىلاردىڭ ءىش قۋىسىنا رەنتگەنوسكوپيالىق زەرتتەۋ بوگدە زاتتاردىڭ بار ەكەنىن كورسەتتى. ارنايى مەديسينالىق تاسىلدەرمەن شەتەلدىكتەردىڭ اسقازاندارىنان اپيىن توبىنىڭ ەسىرتكىسىنەن تۇراتىن 295 كونتەينەر شىعارىلدى. الىنعان زاتتاردىڭ جالپى سالماعى 2 كەلىدەن اسادى، – دەلىگنگەن حابارلامادا.
سوت شەشىمىمەن فيگۋرانتتار قاماۋعا الىنعان. قىلمىستىق كودەكستىڭ 286-بابى 4-بولىگى بويىنشا سوتقا دەيىنگى تەرگەپ-تەكسەرۋ جۇرگىزىلىپ جاتىر.
پىكىر قالدىرۋ