جۋىردا شىمكەنت قالاسى اسكەري گورنيزونى سوتىندا اتىشۋلى بايزاقتاعى جارىلىس قاتىستى اپپەلياسيالىق سوت شەشىمى تىڭدالدى. شەشىم استانا قالاسىندا شىعارىلدى. بۇعان دەيىن ءارقايسى 9 جىلعا سوتتالعان قوس سارباز اسەت ءاشىرباي مەن ەربولات تۇرانوۆ ونلاين قاتىستى.

سوتقا قوس جىگىتتىڭ اتا-اناسى دا كەلىپ، جازانىڭ جەڭىلدەۋىن تاعاتسىزدانا كۇتكەن ەدى. الايدا اپەللياسيالىق سوت ساربازدارعا بەرگەن جازانى ودان ءارى قاتاڭداتىپ جىبەردى.

- جازالاردى ءىشىنارا قوسۋ ارقىلى تۇرانوۆقا تۇپكىلىكتى 13 جىل باس بوستاندىعىنان ايىرۋ جازاسى تاعايىندالسىن. جازانى ورتا مەكەمەدە وتەۋ بەلگىلەنسىن، – دەدى سۋديا. سونىمەن سوت بۇعان دەيىن 9 جىلعا سوتتالعان ەربولات تۇرانوۆ پەن اسەت ءاشىربايدىڭ جازا مەرزىمىنە تاعى 4 جىلدان قوستى. وسىلايشا، بايزاقتاعى اسكەري بولىمدە وتان الدىنداعى بورىشىن وتەگەن قوس جىگىت ەندى 13 جىلىن تۇرمەدە وتكىزەدى. سونداي-اق بۇعان دەيىن سوت زالىنان بوساتىلعان ولاردىڭ 2 وفيسەرى 5 جىلعا دەيىن باس بوستاندىعىنان ايىرىلدى. ولار سوتقا استانا قالاسىنان ونلاين قاتىسقان.

الايدا ساربازدار سوت شەشىمىمەن كەلىسپەيتىندىكتەرىن ايتىپ: "ادىلەتتىك جوق. ءبارىبىر ادىلەتتىك جوق. اللا جازالارىن بەرسىن ولاردىڭ. ادىلەتسىز قازاقستان، مۇلدەم ادىلەتسىز. ءبىزدى 13 جىلعا باس بوستاندىعىمىزدان ايىرىپ جاتىر. نە ءۇشىن؟”، – دەدى ساربازداردىڭ ءبىرى نارازىلىعىن ءبىلدىردى.

ەندى مىنە، قوس سارباز بەن پروكۋراتۋرا بەرگەن اپەللياسيادان سوڭ وفيسەرلەردىڭ ەكەۋى 5 جىلعا، ال جاۋىنگەرلەر 13 جىلعا باس بوستاندىعىنان ايرىلدى. 2021 جىلى جامبىل وبلىسى، بايزاق اۋدانىنداعى ءوق-دارى ساقتايتىن قويما جارىلىپ، 18 ادام جان تاپسىرىپ، 81 ازامات جارالانعان. بۇل ءىستى جاسادى دەگەن ايىپ سول جەردە اسكەري بورىشىن وتەپ جۇرگەن ەربولات تۇرانوۆ پەن اسەت ءاشىربايعا تاعىلدى.

ەسكە سالساق، بىلتىر 20 قازاندا بايزاقتاعى جارىلىس ءۇشىن قوس سارباز اسەت اشىربايەۆ پەن ەربولات تۇرانوۆ "بوتەننىڭ مۇلكىن قاساقانا جويۋ جانە ءبۇلدىرۋ" بويىنشا 9 جىلدان سوتتالعان ەدى.