وبلىس بويىنشا تجم، ءىىم،جاو، ۇقك شق جانە باسقا دا ۇيىمداردىڭ قىزمەتكەرلەرى قاتارىنان بارلىعى 2237 ادام، 390 بىرلىك تەحنيكا، 142 بىرلىك موتوپومپالار، 29 بىرلىك ءجۇزۋ قۇرالدارى جانە 3 بىرلىك اۋە كەمەسى كۇشتەرى مەن قۇرالدارى جۇمىلدىرىلدى.

سۋ تاسقىنى كەزەڭىندە شامامەن 771 822 مىڭ م3 سۋ، تاۋلىگىنە – 13860 مىڭ م3 سۋ سورىلدى. 72،799 مىڭنان استام قاپ سالىنعان. ينەرتتى ماتەريالدار توگىلدى: 7205 توننا.

7487 ادام قۇتقارىلدى جانە ەۆاكۋاسيالاندى، ونىڭ ىشىندە 11 مۇمكىندىگى شەكتەۋلى ادام جانە 1239 بالا. ۋاقىتشا ورنالاستىرۋ پۋنكتتەرىندە 943 ادام، ونىڭ ىشىندە 322 بالا بار.

ەرىگەن سۋدى سورۋ، قاپشىقتاردى توسەۋ جۇمىستارى 9 وڭىردە جالعاسۋدا (جانگەلدين، ارقالىق، مەڭدىقارا، فەدوروۆ، دەنيسوۆ، قارابالىق، قاراسۋ، قوستاناي، اۋليەكول، ب.مايلين، قامىستى اۋداندارى، ارقالىق، قوستاناي جانە رۋدنىي قالالارى).

سۋ تاسقىنىنا قارسى ءىس-شارالارعا تاۋلىك بويى دەرلىك كومەك كورسەتەتىن، كوممۋنالدىق قىزمەتتەردىڭ، مەملەكەتتىك جانە قۇقىق قورعاۋ ورگاندارىنىڭ كەزەكشى قىزمەتكەرلەرىن ىستىق تاماقپەن جانە شايمەن قامتاماسىز ەتەتىن ەرىكتىلەر، بەي-جاي قارامايتىن ازاماتتار ۇلكەن كومەك كورسەتەدى.

سۋ تاسقىنى جاعدايىنىڭ مونيتورينگى بويىنشا جۇمىستار جالعاسۋدا. جاعداي باقىلاۋدا.