سەناتتىڭ جالپى وتىرىسىندا ۇكىمەت جانە جوعارى اۋديتورلىق پالاتاسىنىڭ 2023 جىلعى رەسپۋبليكالىق بيۋدجەتتىڭ اتقارىلۋى تۋرالى ەسەبى تالقىعا سالىنىپ جاتىر.

سەنات سپيكەرى ماۋلەن اشىمبايەۆ قارجى جەتىسپەۋ ماسەلەسى بارىن اشىق ايتتى.

«ءبىز وڭىرلەرگە قارجى جەتىسپەۋشىلىگىن كورىپ وتىرمىز. ترانسفەرتتەگە قاتىستى پروبلەما بار. بۇل جۇيەلى پروبلەما. ارىپتەستەر، ءبىز وتكەن جىلدىڭ بيۋدجەتىن قاراستىرىپ وتىرمىز. سوندىقتان جۇيەلى ماسەلە بارىن اتاپ ءوتۋىمىز كەرەك»، - دەدى پالاتا ءتوراعاسى.

سەنات سپيكەرى بيۋدجەتتىڭ شىعىسى مەن كىرىسىندە الشاقتىق بارىن دا ايتتى.

بيۋدجەت شىعىسى بولىگىندە تەڭگەرىمسىزدىك بار. ياعني شىعىنىمىز كوپ، تابىس تابۋدا ماسەلەلەر بار. بۇعان دەيىن ءبىز ۇلتتىق قوردى پايدانالامىز دەپ ايتقانبىز. ءبىراق بۇل جەتىسكەننەن ەمەس. بىزدە شىعىن مەن كىرىستىڭ اراسىندا ۇلكەن الشاقتىق بار، - دەدى ماۋلەن اشىمبايەۆ.

سونداي-اق ماۋلەن اشىمبايەۆ بىلتىرعى بيۋدجەت كورسەتكىشى ەسەبىنىڭ جاقسارۋىنا قانداي فاكتورلار اسەر ەتكەنىن ءتۇسىندىردى.

«بىلتىر بيۋدجەت پارامەترى نەنىڭ ەسەبىنەن جاقسى كورسەتكىشكە يە بولدى؟ بۇل سالىقتار بويىنشا – اۆانستىق تولەمدەر ەسەبىنەن بولدى. ياعني، الدىن الا 300 ملرد تەڭگە سالىق ءتۇسىمىن الدىق. «قازمۇنايگاز» اق ەسەبىنەن دە بولدى. بىلتىر ققس ەكسپورتتاۋشىلارىنا 500 ملرد تەڭگە بەرىلمەدى. تيىسىنشە، وسى پارامەترلەردىڭ بارلىعى بىلتىرعى بيۋجەتكە اسەر ەتتى»، - دەدى سەنات ءتوراعاسى.