دۇنيە-مۇلكى ءبۇلىنىپ، دالادا قالعان 97 وتباسى جاڭا پاتەرگە كوشىپ ۇلگەرگەن ەكەن. ال سۋ باسىپ، اپاتتى دەپ تانىلعان ۇيلەر كەزەڭ-كەزەڭىمەن ءسۇرىلىپ جاتىر.
ساياجاي اۋماعىنداعى تۇرۋعا جارامسىز باسپانالار اۋىر تەحنيكانىڭ كۇشىمەن بۇزىلىپ جاتىر. بۇل جۇمىستار تۇرعىنداردىڭ كەلىسىمىمەن جاسالادى. ال جالعىز ۇيىنەن ايىرىلعان جۇرتقا پاتەر كىلتتەرى تابىستالىپ جاتىر.
قالادا جەر ۇيلەر سالىنىپ جاتقان جوق. حالىققا تەك جاڭا جانە ەكىنشى نارىقتاعى كوپقاباتتى ۇيلەردەن باسپانالار بەرىلەدى. جالپى وڭىردە باعالاۋ كوميسسياسى جۇمىسىن ءالى اياقتاعان جوق. سوندىقتان ناقتى قانشا ءۇيدىڭ اپاتتى ەكەنى ازىرگە بەلگىسىز.
سونىمەن قاتار جوندەۋ جۇمىستارىن جۇرگىزۋ ءۇشىن تۇرعىندارعا وتەماقى تولەنىپ جاتىر. بۇگىنگى تاڭدا 2 جارىم مىڭ وتباسىنا 9 ميلليارد تەڭگەگە جۋىق قاراجات بەرىلگەن.
پىكىر قالدىرۋ