قىرعىزستان پرەزيدەنتى سادىر جاپاروۆتىڭ قارىنداسىنا ۇيلەنۋگە ۇسىنىس جاساعان جىگىت ۇستالدى. اقپاراتتى سادىر جاپاروۆتىڭ باسپا ءسوز حاتشىسى اسقات الاگوزوۆ ءوزىنىڭ الەۋمەتتىك جەلىدەگى پاراقشاسىندا راستاپ، تۇسىنىكتەمە بەردى.
"پرەزيدەنت سادىر جاپاروۆتىڭ ءىنىسىنىڭ قىزىنا ءسوز سالعان جىگىتتى قۇقىق قورعاۋ ورگاندارى ۇستاعانىن راستايمىز. ءلاززات نۇرقوجايەۆانىڭ كۇيەۋ جىگىتى تىكۇشاقپەن ۇسىنىس جاساعاننان كەيىن تانىمال بولدى. بۇل جىگىتتىڭ نەگىزگى ماقساتى ءوزىنىڭ زاڭسىز ارەكەتىن قورعاۋ ءۇشىن بيلىكتە ءوز ادامىن تابۋ بولدى دەپ ايتۋعا تولىق نەگىز بار"، - دەدى پرەزيدەنتتىڭ باسپا ءسوز حاتشىسى.
ۇستالعان جىگىت پەن ونىڭ سىبايلاستارىنىڭ زاڭسىز ارەكەتتەرى تۋرالى تەرگەۋ جۇرگىزىلەتىن بولدى.
ەسكە سالا كەتەيىك، جاقىندا سادىر جاپاروۆتىڭ ءىنىسىنىڭ قىزى الەۋمەتتىك جەلىدە قىزۋ تالقىعا تۇسكەن بولاتىن. وعان ۇيلەنۋگە ۇسىنىس جاساعان ەر ادام قىرعىز رەسپۋبليكاسىنىڭ توتەنشە جاعدايلار مينيسترلىگىنىڭ تىكۇشاعىن پايدالانعان.
پىكىر قالدىرۋ