ۇلتتىق قاۋىپسىزدىك كوميتەتى تامىزدا پروكۋراتۋرا مەن پوليسيامەن بىرىگىپ الماتى قالاسىندا، قاراعاندى، تۇركىستان، ۇلىتاۋ وبلىستارىندا تەرروريزمگە قارسى ءىس-شارالار وتكىزگەنىن حابارلادى.
ۇقك مالىمەتىنشە، دەسترۋكتيۆتى ءدىني اعىمنىڭ جاقتاۋشىلارى رەتىندە قازاقستاننىڭ 5 ازاماتى مەن 1 شەتەلدىك ۇستالعان. ولار وشپەندىلىك پەن زورلىق-زومبىلىق يدەولوگياسىن الەۋمەتتىك جەلىلەر جانە باسقا دا جولدارمەن تاراتتى دەپ كۇدىكتەلۋدە.
"زاتتاي دالەلدەمەلەر تابىلدى جانە الىندى، ونىڭ ىشىندە 3 ۇرىس گراناتاسى بار. كۇدىكتىلەردىڭ ەكەۋى بۇعان دەيىن توناۋ جانە ۇرلىق ءۇشىن سوتتالعان. ۇستالعان ادامدارعا قاتىستى قىلمىستىق كودەكستىڭ 256-بابى بويىنشا سوتقا دەيىنگى تەرگەپ-تەكسەرۋ جۇرگىزىلۋدە" دەلىنگەن حابارلامادا.
پىكىر قالدىرۋ