بارشامىزعا ءمالىم سۋ تاسقىنى ەلىمىزدىڭ 10 وبلىسىندا بولدى. جالپى العاندا، سۋ تاسقىنى سالدارىنان 224 ەلدى مەكەن، 17 603 تۇرعىن ءۇي زارداپ شەكتى. بارلىق زارداپ شەككەن عيماراتقا تەحنيكالىق تەكسەرۋ جۇرگىزىلدى. تەكسەرۋ قورىتىندىسى بويىنشا، 9 156 ءۇي جوندەۋ جۇمىستارىنان ءوتتى. ال 8 447 ءۇي قالپىنا كەلتىرۋگە جاتپايتىن بولىپ تانىلدى.

ناتيجەسىندە، نارىقتان 5 767 ءۇي مەن پاتەر ساتىپ الىندى. 2680 جاڭا ءۇيدىڭ قۇرىلىسى باستالدى. جاڭا تۇرعىن ءۇي سالۋ الاڭدارىن تاڭداۋ بارىسىندا ولاردى كەلەشەكتە سۋ باسۋدان شەكتەۋ ماقساتىندا جەرگىلىكتى جەردىڭ رەلەفتەرى مەن لاندشافتى ەسكەرىلگەنىن اتاپ وتكەن ءجون. بۇگىنگى تاڭدا 2576 ءۇيدىڭ قۇرىلىسى اياقتالدى. قۇرىلىس جۇمىستارى مامىر ايىنىڭ سوڭىندا باستالىپ، 4 ايدا اياقتالدى، - دەدى مينيستر.

شارلاپايەۆ قۇرىلىس جۇمىستارىن باقىلاۋ ءۇشىن مينيسترلىك جانىندا احۋالدىق ورتالىق قۇرىلعانىن ايتادى.

- قۇرىلىس جۇمىستارىنىڭ بارىسى مەن ساپاسىن باقىلاۋ ماقساتىندا ءار وڭىردەگى قۇرىلىس الاڭدارىنا مينيسترلىكتىڭ جانە سۋ تاسقىنىنان زارداپ شەكپەگەن وڭىرلەردىڭ قىزمەتكەرلەرى ءىسساپارعا جىبەرىلدى. سونداي-اق، ەڭبەك جانە حالىقتى الەۋمەتتىك قورعاۋ مينيسترلىگىنىڭ «الەۋمەتتىك كومەك» اقپاراتتىق جۇيەسى زالالدى وتەۋ بويىنشا وتىنىشتەردى قابىلداۋ جانە وڭدەۋ پروسەسىن ۇيىمداستىرۋىنا ەلەۋلى ۇلەسىن قوستى. سيفرلىق دامۋ مينيسترلىگى موبيلدىك قوسىمشالار ارقىلى زالالدى وتەۋ ءوتىنىشىن بەرۋدى قىسقا ۋاقىتتا ۇيىمداستىرىپ، ءتيىستى قۇجاتتار بولماعان جاعدايدىڭ وزىندە ءوتىنىش بەرۋ مۇمكىندىگى قاراستىرىلدى، - دەيدى قۇرىلىس ءمينيسترى.