“قاراسورا – 2024” جەدەل الدىن الۋ ءىس-شاراسى اياسىندا جەدەل اقپاراتتى جۇزەگە اسىرۋ بارىسىندا وبلىستىق پد ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى "الماتى–قاراعاندى" اۆتوجولىنىڭ 430-شاقىرىمىندا Toyota Sienna اۆتوكولىگىن توقتاتتى. تەيا قىزمەتتىك ءيتىنىڭ كومەگىمەن اۆتوكولىكتى تەكسەرۋ بارىسىندا جۇك سالعىشتان كولىكتەگى جولاۋشىعا تيەسىلى جاسىل ءتۇستى وسىمدىك زاتى بار ەكى سومكە تابىلدى.

ساراپتاما قورىتىندىسىنا سايكەس، تابىلعان زاتتاردىڭ سالماعى 12 كەلى گاشيش جانە 170 گرامم كاننابيس (20 مىڭ دوزا) شايىرى ەكەنى انىقتالدى. قارا نارىقتاعى قۇنى – 7 ملن تەڭگەگە جۋىق.

ق ر قىلمىستىق كودەكسىنىڭ 296-بابى 4-بولىگى جانە 297-بابىنىڭ 3-بولىگى (ەسىرتكى، پسيحوتروپتىق زاتتارمەن، سول تەكتەستەرمەن وتكىزۋ ماقساتىنسىز زاڭسىز جۇمىس ىستەۋ) بويىنشا سوتقا دەيىنگى تەرگەپ-تەكسەرۋ امالدارى باستالدى.

كۇدىكتى كىناسىن مويىنداپ، قازىرگى ۋاقىتتا شۋ اۋداندىق پوليسيا ءبولىمىنىڭ ۋاقىتشا ۇستاۋ يزولياتورىنا قاماۋعا الىندى.