قازاقستان رەسپۋبليكاسى پارلامەنتى سەناتىنىڭ دەپۋتاتى سۇلتان دۇيسەمبينوۆ الماتى وبلىسىنداعى تالعار اۋدانىندا زيالى قاۋىم وكىلدەرىمەن، كاسىپكەرلەرىمەن، اۋىل ەڭبەككەرلەرىمەن جانە جاستارمەن كەزدەستى.
قازاقستاندا اتوم ەلەكتر ستانسياسىنىڭ قۇرىلىسىن سالۋ كەزدەسۋدىڭ نەگىزگى تاقىرىبى بولدى. سەناتور ءوز سوزىندە اتوم ەلەكتر ستانسياسىن سالۋ ماسەلەسى ەلىمىزدىڭ قازىرگى ەنەرگەتيكالىق ماسەلەلەرىن شەشۋدەگى ماڭىزدى قادام ەكەنىن اتاپ ءوتتى. دۇيسەمبينوۆتىڭ ايتۋىنشا، اەس قازاقستانعا ەلەكتر ەنەرگياسىنا دەگەن ءوسىپ كەلە جاتقان سۇرانىسقا جاۋاپ بەرىپ قانا قويماي، بولاشاقتا تۇراقتى ەكونوميكالىق وسىمگە نەگىز بولادى.
- اتوم ەلەكتر ستانسياسى قازاقستاننىڭ كومىرتەگى ەنەرگيا كوزدەرىنە تاۋەلدىلىگىن ازايتادى، بۇل ەلىمىزدىڭ ەكولوگيالىق جاعدايىنا وڭ وزگەرىستەر اكەلەدى. اەس اينالاسىنداعى ينفراقۇرىلىمدى دامىتۋ جاڭا جۇمىس ورىندارىن اشۋعا جانە ءوڭىردى دامىتۋعا ىقپال ەتەتىن بولادى، - دەپ اتاپ ءوتتى سۇلتان دۇيسەمبينوۆ.
سەناتور سونىمەن قاتار، اتوم ەنەرگياسىن پايدالانۋدىڭ حالىقارالىق تاجىريبەسىنە ەگجەي-تەگجەيلى توقتالدى جانە ونىڭ ەكولوگيالىق ارتىقشىلىعىن اتاپ ءوتتى. ول اتوم ەنەرگەتيكاسىنا كوشۋ كومىرتەگى شىعارىندىسىن ازايتادى جانە كليماتتىڭ وزگەرۋىنە ىقپال ەتەدى. بۇل اسىرەسە قازىرگى ەكولوگيالىق قاۋىپ-قاتەر جاعدايىندا ماڭىزدى ەكەنى ايتىلدى.
سۇلتان دۇيسەمبينوۆ كەزدەسۋ سوڭىندا تالعار اۋدانىنىڭ تۇرعىندارىن 6 قازاندا وتەتىن الداعى رەفەرەندۋمعا بەلسەندى قاتىسۋعا جانە اەس سالۋ ماسەلەسى بويىنشا ءوزىنىڭ ازاماتتىق ۇستانىمىن بىلدىرۋگە شاقىردى.
پىكىر قالدىرۋ