الماتى قالاسى اكىمدىگىنىڭ 2024 جىلعى 29 تامىزداعى قاۋلىسىمەن مەكتەپكە دەيىنگى تاربيە مەن وقىتۋعا ارنالعان مەملەكەتتىك ءبىلىم بەرۋ تاپسىرىسىنا، قالانىڭ مەكتەپكە دەيىنگى ۇيىمدارىنداعى اتا-انا تولەماقىسىنىڭ مولشەرىنە وزگەرىستەر ەنگىزىلدى.

ماسەلەن، مەكتەپكە دەيىنگى تاربيە مەن وقىتۋعا مەملەكەتتىك ءبىلىم بەرۋ تاپسىرىسى، قالانىڭ مەكتەپكە دەيىنگى ءبىلىم بەرۋ ۇيىمدارىنداعى اتا-انالىق تولەماقىنىڭ مولشەرى:

بالاباقشا (مەملەكەتتىك جانە جەكە) – اتا-انالىق تولەم مولشەرى-ايىنا 25 مىڭ تەڭگە، ءبىر تاربيەلەنۋشىگە جۇمسالاتىن شىعىنداردىڭ ورتاشا قۇنى 53 878 تەڭگە (بۇرىن مەملەكەتتىك تاپسىرىس قۇنى 52 368 تەڭگە بولعان).

بالاباقشا (مەملەكەتتىك بالاباقشالار جانىنداعى ارنايى توپتار) – ءبىر تاربيەلەنۋشىگە مەملەكەتتىك شىعىستار-ايىنا 97 475 تەڭگە، اتا-انالىق تولەم جوق (بۇرىن مەملەكەتتىك تاپسىرىس قۇنى 95 369 تەڭگە بولعان).

بوبەكجاي (مەملەكەتتىك بوبەكجاي جانىنداعى مەكتەپالدى توپتار) – ءبىر تاربيەلەنۋشىگە جۇمسالاتىن شىعىنداردىڭ ورتاشا قۇنى-ايىنا 23 704 تەڭگە، اتا-انالىق تولەم جوق (بۇرىن مەملەكەتتىك تاپسىرىس 22 965 تەڭگەنى قۇراعان).