اۋىل شارۋاشىلىعى مينيسترلىگىنىڭ مالىمدەۋىنشە، ءىس-شارانىڭ نەگىزگى ماقساتى – 2025 جىلى نەگىزگى ساناققا دايىندىق رەتىندە دەرەكتەردى جيناۋ ادىستەرىن، ساناق پاراقتارىن جانە باعدارلامالاردى سىناقتان وتكىزۋ.

ساناققا زاڭدى تۇلعالار، ولاردىڭ قۇرىلىمدىق بولىمشەلەرى، جەكە كاسىپكەرلەر، سونىڭ ىشىندە شارۋا جانە فەرمەر قوجالىقتارى، سونداي-اق اۋىل شارۋاشىلىعىمەن اينالىساتىن ءۇي شارۋاشىلىقتارى قاتىستى.

پيلوتتىق ساناق ەكى جولمەن جۇرگىزىلدى: sanaq.gov.kz سايتىندا ونلاين جانە پلانشەت قولدانا وتىرىپ، ءۇي شارۋاشىلىعىن ارالاۋ ارقىلى. ساۋالنامانى ۇلتتىق ستاتيستيكا بيۋروسىنىڭ اۋماقتىق بولىمشەلەرىنىڭ قىزمەتكەرلەرى ەلدەگى ءار ءوڭىردىڭ ەكى اۋىلدىق جانە ءبىر قالالىق ەلدى مەكەنىندە، بارلىعى 54 ەلدى مەكەندە ينتەرۆيۋەرلەردى تارتپاي جۇزەگە اسىردى.

الدىن الا مالىمەتتەر بويىنشا، پيلوتتىق ساناققا 44 مىڭ رەسپوندەنت قاتىستى، ولاردىڭ 31،8 مىڭى – ءۇي شارۋاشىلىقتارى، ال 12،3 مىڭى – شارۋاشىلىق جۇرگىزۋشى سۋبەكتىلەرى. ايتا كەتەيىك، 2025 جىلى نەگىزگى اۋىل شارۋاشىلىعى ساناعى 1 تامىز بەن 20 قازان ارالىعىندا وتەدى.