الماتىدا بارلىق تۇتىنۋشىعا تاريفتەر 15 قازاننان باستاپ وزگەرەدى.

"ورتاشا تاريف 29،04 تەڭگە بولادى، ياعني 3،7 پايىزعا ءوسىپ وتىر. حالىققا 27،59 تەڭگەگە وزگەرەدى، ياعني 8 پايىزعا وسەدى. زاڭدى تۇلعالارعا 30،08 تەڭگە بولادى، 8 پايىزعا وسەدى. بيۋدجەتتىك ۇيىمداردىڭ ءتاريفى 30،47 تەڭگە بولادى، ول 7 پايىزعا تومەندەيدى"، – دەدى دەپارتامەنت وكىلى.

"بۇعان ەلەكتر ەنەرگياسىن ءوندىرۋشى قىزمەتىنە تاريفتەردىڭ ءوسۋى، ەلەكتر ەنەرگياسىن بەرۋ قىزمەتىنە تاريفتەردىڭ وزگەرۋى اسەر ەتىپ وتىر"، – دەدى اسەل بودەنەيەۆا.

ايتا كەتەيىك، 2024 جىلى اقپاندا كوممۋنالدىق قىزمەت باعاسى بويىنشا ايتارلىقتاي ءوسىم تىركەلگەنى بەلگىلى بولدى.

اقپاننىڭ قورىتىندىسى بويىنشا سۋعا باعا جىلدىق ماندە 33،9 پايىزعا ءوستى، بۇل باسقا كوممۋنالدىق قىزمەتتەرگە قاراعاندا كوپ.

سول كەزدە قالعان كوممۋنالدىق قىزمەتتەر بويىنشا دا وسىنداي جاعداي بايقالدى:

• جىلىتۋ بويىنشا باعا ءوسىمى ءبىر جىلدا 30،9 پايىز بولعان؛
• سۋىق سۋعا 30،8 پايىز؛
• قوقىس توگۋگە 30،7 پايىز؛
• ىستىق سۋعا 29،4 پايىز؛
• ەلەكتر ەنەرگياسىنا 19،9 پايىز.