ۇلتتىق ۇلان باس قولباسشىسىنىڭ ورىنباسارى گەنەرال-مايور باۋىرجان ءابجانوۆ باستاعان ارنايى كوميسسيا العاشقى تەكسەرۋ جۇمىستارىن پاۆلولارداعى 5512 اسكەري بولىمىنەن باستادى.
ءتورت جىلدا ءبىر كەلەتىن ارنايى تەكسەرىستە پاۆلودار، اباي جانە شىعىس قازاقستان وبلىستارىنداعى ۇلتتىق ۇلان اسكەري بولىمدەرىنىڭ جاۋىنگەرلىك دايارلىعى مەن كاسىبي بىلىكتىلىكتەرى سىنعا تۇسۋدە.
باستى ماقسات - "شىعىس" وڭىرلىك قولباسشىلىعى اسكەرلەرىنىڭ جاۋىنگەرلىك جاي-كۇيىن، اسكەري قىزمەتشىلەردىڭ كاسىبي قابىلەتتەرىن انىقتاۋ. تەكسەرىس بارىسىندا اسكەري قىزمەتشىلەر وقۋ-جاتتىعۋ، تاكتيكالىق، دەنە جانە اتىس دايارلىعى، مەملەكەتتىك قۇقىقتىق دايىندىق، اسكەري توپوگرافيا جانە باسقا دا نەگىزگى پاندەر بويىنشا سىناق تاپسىرادى.
پىكىر قالدىرۋ