جۋرناليست مينيسترگە "ەكونوميستەر الداعى ەكى جىلدا قازاقستاندا 3 ءىرى داعدارىس بولادى دەپ بولجاپ وتىر. ولار – بيۋدجەت داعدارىسى، يمپورتتىڭ ارتۋى، قارىز داعدارىسى. مۇنىڭ بارىنە اقشا جەتپەۋى مۇمكىن. سوندىقتان تەڭگە قۇلدىراپ، ۇلتتىق قور سارقىلىپ، ينۆەستيسيا اعىنى ازايۋى مۇمكىن. بۇعان قازاقستان دايىن با؟" دەپ سۇراق قويدى.

پرەمەر-مينيستردىڭ ورىنباسارى – ۇلتتىق ەكونوميكا ءمينيسترى نۇرلان بايبازاروۆ اقپاراتتىڭ جالعان ەكەنىن ايتتى.

- مەنىڭ ويىمشا، بۇل دۇرىس اقپارات ەمەس. ەشقانداي يمپورت پەن ەكسپورتتىڭ داعدارىسى بولمايدى. ءبىز ۇلتتىق بانكپەن بىرىگىپ جاساعان بولجام جاساعانبىز. ونداعى سيفرلارعا مەن قاراپ وتىرمىن. ءبىزدىڭ ساۋدا بالانسىمىز الداعى 5 جىلدا تەك وڭ دەڭگەيدە بولادى. كورسەتكىش 20 ملرد دوللاردان اسادى.  ەكسپورتتىڭ يمپورتتان كولەمى 20 ملرد دوللاردان كەم بولمايدى. بۇل - الداعى 5 جىلدى. سوندىقتان مۇنى نەگىزسىز اقپارات دەپ ويلايمىن. وعان سەنبەڭىزدەر. ءبىز ەشقانداي داعدارىستى بولجاپ وتىرعان جوقپىز. ماقساتىمىز ەكونوميكانى 6%-دان اسىرۋ. وعان بۇكىل دەرلىك مۇمكىندىك بار. ول ءۇشىن تەك جۇمىس ىستەۋ كەرەك. ءبىز ەكونوميكالىق ءوسىمدى عانا كۇتەمىز. ەشقانداي داعدارىس بولمايدى، - دەدى بايبازاروۆ ۇكىمەتتىڭ باسپا ءسوز ورتالىعىندا وتكەن بريفينگتە.