2025 جىلدان باستاپ WhatsApp Android سمارتفوندارىنىڭ ءبىرقاتار مودەلدەرىندە جۇمىس ىستەۋدى توقتاتادى. 

تىزىمدە 10 جىل بۇرىن شىعارىلعان Samsung، Motorola، HTC، LG جانە Sony سمارتفوندارىنىڭ ءبىر كەزدەرى تانىمال بولعان 19 مودەلى بار. ولاردىڭ اراسىندا Samsung Galaxy S3 جانە Note 2، ءبىرىنشى بۋىن Motorola Moto G، HTC One X، LG Optimus G مەن Nexus 4 جانە Sony Xperia-نىڭ بىرنەشە مودەلدەرى كەزدەسەدى.

Meta كورپوراسياسىنىڭ دەرەگىنشە، بۇل شەشىمى WhatsApp-تىڭ جاڭا مۇمكىندىكتەرىن، سونىڭ ىشىندە زاماناۋي جابدىقتى قاجەت ەتەتىن جاساندى ينتەللەكتكە نەگىزدەلگەن شارالاردى قولداۋ قاجەتتىگىنە بايلانىستى شىعارىلىپ وتىر. اتالعان قۇرىلعىلاردىڭ پايدالانۋشىلارىنا بارلىق WhatsApp دەرەكتەرىن 2025 جىلدىڭ 1 قاڭتارىنا دەيىن جاڭا قۇرىلعىلارعا كوشىرۋ ۇسىنىلدى. ايتپەسە چات تاريحى مەن مەديا فايلدار ءبىرجولا جوعالادى.

سونىمەن قاتار مeta بۇل شەشىمدى ەسكى iPhone مودەلدەرىنە قاتىستى دا قابىلداندى. WhatsApp 2025 جىلدىڭ مامىرىندا 15.1 نۇسقاسىنان تومەن iOS قۇرىلعىلارى ءۇشىن توقتاتىلادى.