قازاقستاندا اۆياسيا سالاسىنداعى ماڭىزدى ينفراقۇرىلىمدىق جوبالاردى جۇزەگە اسىرۋ باستالدى. قاتونقاراعاي جانە زايسان كۋرورتتىق ايماقتارىندا جاڭا اۋەجاي سالىنادى. 

توقايەۆتىڭ تاپسىرماسىمەن، 2025 جىلى قاتونقاراعاي، زايسان جانە كەندىرلى كۋرورتتىق ايماقتارىندا جاڭا اۋەجايلار سالىنادى. قازىرگى بۇل نىسانداردىڭ جەر ۋچاسكەلەرىن راسىمدەۋ جانە جوبالاۋ جۇمىستارى جۇرگىزىلىپ جاتىر.

اۆتوموبيل جولدارى

سونداي-اق 2030 جىلعا دەيىن ەلىمىزدە كولىك ينفراقۇرىلىمىن جاقسارتۋ بويىنشا اۋقىمدى جوبا جۇزەگە اسىرىلادى. جاڭا اۆتوجولداردىڭ جالپى ۇزىندىعى 4،7 مىڭ شاقىرىم، ونىڭ 3،7 مىڭ شاقىرىمى – ءى ساناتتاعى جولدار.

2025 جىلى كەلەسى اۋقىمدى جوبالار جۇزەگە اسىرىلادى:

• قىزىلوردا – جەزقازعان (208 كم)؛

• اقتوبە – ۇلعايسىن (234 كم)؛

• قاراعاندى – جەزقازعان (572 كم)؛

• سارىاعاش قالاسى اينالما جولى (102 كم)؛

• قىزىلوردا قالاسى اينالما جولى (20 كم)؛

• قىزىلوردا – سەكسەۋىل (470 كم)؛

• اتىراۋ – دوسسور (86 كم)؛

• رۋدنىي قالاسى اينالما جولى (16،9 كم)؛

• جاڭاوزەن – كەندىرلى (156 كم)؛

• پەتروپاۆل قالاسى اينالما جولى (8 كم)؛

• تۇركىستان قالاسى اينالما جولى (29،6 كم)؛

• استانا – قوستاناي – رف-مەن شەكارا (830 كم)؛

• شىمكەنت قالاسى اينالما جولى (48 كم)؛

• اتىراۋ – ورال (ورتاشا جوندەۋ، 516 كم)؛

• اتىراۋ – شاپاي (136 كم)؛

• الماتى – تالعار – بايدىبەك بي (68 كم)؛

• الماتى – ءۇشقوڭىر (48 كم)؛

• بەينەۋ – سەكسەۋىل (736 كم)؛

• جايىق وزەنى ارقىلى وتەتىن كوپىر (6،5 كم).

بۇل جوبالاردى ىسكە اسىرۋ ءۇشىن جالپى كولەمى 9 ترلن-نان استام تەڭگە ينۆەستيسيا كەرەك. ءقازىر ينۆەستورلار تارتىلىپ جاتىر.

تەمىر جول جانە سۋ كولىگى

تەمىر جول كولىگى سالاسىندا دا ءبىرقاتار اۋقىمدى مودەرنيزاسيا جوسپارلانىپ وتىر. 2025 جىلى 225 جاڭا ۆاگون ساتىپ الىنباق.

"دوستىق – مويىنتى" جوباسى بويىنشا تەمىر جول قۇرىلىسى اياقتالادى، وسىلايشا، وتكىزۋ قابىلەتى 5 ەسەگە ارتتىرىپ، تاۋلىگىنە 12-60 پويىز جۇبىنىڭ ۇزدىكسىز قوزعالادى. سونىمەن قاتار "الماتى اينالما جولى" جوباسى جۇزەگە اسىرىلادى.

سونداي-اق "دوستىق – بەسكول" جانە "مويىنتى – بالقاش" ۋچاسكەلەرىندە قوزعالىس اشۋ جوسپارلانعان. بۇل شەشىم كورسەتىلگەن ۋچاسكەلەردەگى پويىز قوزعالىسىن جاقسارتۋعا جانە جۇك تاسىمالى ماسەلەلەرىن شەشۋگە كومەكتەسەدى.

تەڭىز كولىگى جانە اقتاۋ پورتى

تەڭىز كولىگىن دامىتۋ ماقساتىندا اقتاۋ پورتىندا كونتەينەرلىك حاب سالۋ جۇمىستارى باستالدى. بۇل پورتتىڭ وتكىزۋ قابىلەتىن جىلىنا 240 مىڭ جفە-گە دەيىن ارتتىرادى. وسىلايشا، قازاقستاننىڭ حالىقارالىق لوگيستيكاداعى ورنى نىعايىپ، ازەربايجان، گرۋزيا جانە تۇركيا ارقىلى وتەتىن ترانسكاسپيي باعىتىنداعى كونتەينەرلەر تاسىمالى كولەمى ۇلعاييادى. سونداي-اق قىتايدان ەۋروپاعا جەتكىزىلەتىن ترانزيتتىك جۇكتەردىڭ ءبىر بولىگىن قايتا باعىتتاۋعا بولادى.

ۇكىمەتتە پورتتا تەرەڭدەتۋ جۇمىستارىن جۇرگىزۋ جوسپارلانعانى ايتىلدى. بۇل ونىڭ تەرمينالدىق قۋاتى مەن كونتەينەرلەردى تاسىمالداۋدىڭ تيىمدىلىگىن ارتتىرادى.