قاتار پرەمەر-مينيسترى مۇحاممەد بين ابدۋلراحمان ءال-تاني باسپا ءسوز جيىنىندا يزرايل مەن حاماس گازا سەكتورىنداعى اتىستى ۋاقىتشا توقتاتۋعا كەلىسكەنىن راستادى. بۇل تۋرالى BBC حابارلادى.

قاتار ەكى ەل اراسىنداعى كەلىسسوزدەردە باستى دەلدال بولدى. ءال-تانيدىڭ ايتۋىنشا، كەلىسىم 19 قاڭتاردا كۇشىنە ەنەدى.

اتىستى توقتاتۋدىڭ ءبىرىنشى كەزەڭى التى اپتاعا سوزىلادى. وسى ۋاقىتتا گازا سەكتورىنا گۋمانيتارلىق كومەك جىبەرىلىپ، يزرايل اسكەرلەرى سەكتوردان بىرتىندەپ شىعۋى كەرەك.

قاتار پرەمەر-مينيسترى حاماس ءوز تاراپىنان كەپىلگە الىنعان 33 ادامدى بوساتاتىنىن حابارلادى. ال يزرايل تۇرمەدەن حاماس-قا قاتىسى بار جانە يزرايلدىكتەرگە شابۋىل جاسادى دەپ سوتتالعان تۇتقىنداردى قاماۋدان شىعارادى. 

اقش پرەزيدەنتى دجو بايدەن بۇل كەلىسىمدى امەريكالىق ديپلوماتيانىڭ تاباندى ءارى قاجىرلى ەڭبەگىنىڭ ناتيجەسى دەپ مالىمدەدى.

2023 جىلعى 7 قازاندا حاماس ءيزرايلدىڭ وڭتۇستىگىنە شابۋىل جاساعانىن ەسكە سالايىق. مىڭداعان ادام قايتىس بولىپ، ەكى جۇزدەن اسا ادام (ولاردىڭ اراسىندا ءارتۇرلى مەملەكەتتەردىڭ ازاماتتارى بار) تۇتقىنعا الىندى. يزرايل تاراپى كەپىلگە الىنعان 94 ادامنىڭ 60-ى عانا ءتىرى دەپ سانايدى. ال گازانىڭ دەنساۋلىق ساقتاۋ مينيسترلىگىنىڭ دەرەگىنشە، 46 مىڭنان استام پالەستينالىق قازا تاپقان.