ەرمەك سەركەبايەۆ – سيرەك كەزدەسەتىن تالانت يەسى، كاسىبي شەبەرلىگى جوعارى مۋزىكانت. ول ميلليونداعان ونەر سۇيەر كورەرمەننىڭ شىنايى ماحابباتىنا بولەندى.
بۇگىن الماتى قالاسىندا كورنەكتى وپەرا ءانشىسى، اكتەر، پەداگوگ ەرمەك سەركەبايەۆقا ارنالعان ەسكەرتكىشتىڭ سالتاناتتى اشىلۋ ءراسىمى ءوتتى.
اشىلۋ سالتاناتىنا مادەنيەت جانە اقپارات ءمينيسترى ايدا بالايەۆا، الماتى قالاسىنىڭ اكىمى ەربولات دوسايەۆ، ءانشىنىڭ اعاسى مۇرات سەركەبايەۆپەن ۇلى بايعالي سەركەبايەۆ، سونداي-اق شىعارماشىلىق زيالى قاۋىم وكىلدەرى، قالا تۇرعىندارى مەن قوناقتارى قاتىستى.
ەسكەرتكىش ابىلاي حان داڭعىلىنىڭ بويىندا، قۇرمانعازى اتىنداعى قازاق مەملەكەتتىك اكادەميالىق حالىق اسپاپتارى وركەسترى عيماراتىنىڭ الدىندا ورناتىلعان.
مينيستر ايدا بالايەۆا ەسكەرتكىشتىڭ اشىلۋى ەلىنىڭ ۇلى پەرزەنتىنە دەگەن قۇرمەتى ەكەنىن اتاپ ءوتىپ، ەرمەك سەركەبايەۆتىڭ باي رۋحاني مۇراسى ۇلت جادىندا ماڭگى ساقتالاتىنىنا سەنىم ءبىلدىردى.
«ەرمەك سەركەبايەۆ – سيرەك كەزدەسەتىن تالانت يەسى، كاسىبي شەبەرلىگى جوعارى مۋزىكانت. ول ميلليونداعان ونەر سۇيەر كورەرمەننىڭ شىنايى ماحابباتىنا بولەندى. بۇگىنگى قازاق وپەراسىن ەرمەك سەركەبايەۆسىز ەلەستەتۋ قيىن. ونىڭ عيبراتتى عۇمىرى – مادەنيەتىمىزدىڭ تاريحىنداعىتۇتاس ءبىر تاراۋ. كوپشىلىك بىلمەۋى مۇمكىن، ءبىراق ول قوعامدىق-ساياسي ومىردە دە بەلسەندىلىك تانىتىپ، تاۋەلسىزدىگىمىزدىڭ قالىپتاسۋى مەن نىعايۋىنا زورۇلەس قوستى. سونىمەن قاتار، ەرمەك بەكمۇحامەدۇلىدارىندى مۋزىكانتتار اۋلەتىنىڭ نەگىزىن قالادى. بالالارى مەن نەمەرەلەرى ونىڭ ءىسىن لايىقتىجالعاستىرىپ، قازاق ونەرىن الەمنىڭ ءار تۇكپىرىندەدارىپتەۋدە»، – دەدى مادەنيەت جانە اقپارات ءمينيسترى.
ۆەدومستۆو باسشىسى ەرمەك سەركەبايەۆتىڭ بەينەسىن قولادان سومداعان مۇسىنشىلەر – ايدوس بۇركىتبايەۆقا، تيمۋر ەرمۇحامەتوۆكە، اقىلبەك ورمانبەكوۆكە جانە قۋانىش اسىلبايعا ەرەكشە العىس ءبىلدىردى.
پىكىر قالدىرۋ