TAS Group – قازاقستانداعى ەڭ تانىمال ءارى ءىرى قارجىلىق كومپانيالاردىڭ ءبىرى، ءوز سالاسىندا ۇلكەن جەتىستىكتەرگە جەتىپ، بيزنەس الەمىندە ايتارلىقتاي ورىن العان. ونىڭ باستى ەرەكشەلىگى – ۇلتتىق قۇندىلىقتاردى ساقتاي وتىرىپ، الەمدىك نارىقتا باسەكەگە قابىلەتتى بولا ءبىلۋى. قازىرگى تاڭدا TAS Group تەك قازاقستاندىق نارىقتا عانا ەمەس، حالىقارالىق ارەنادا دا تانىمالدىققا يە. الايدا، وسى كومپانيانىڭ باستى ەرەكشەلىگى – ونىڭ نەگىزىندە جاتقان قازاقى رۋح پەن ۇلتتىق بولمىسىندا.

«ءبىزدىڭ كومپانيا قارجى سالاسىندا قىزمەت ەتەدى. شاعىن جانە ورتا بيزنەستىڭ وكىلدەرىنە قىسقا مەرزىمدى قارجىلاندىرۋ ۇسىنامىز. سونىمەن قاتار، ءبىز قازاقشا سويلەيتىن العاشقى قارجى كومپانياسى بولۋعا ۇمتىلامىز. ءاربىر قازاق ءوز ءتىلى مەن مادەنيەتىن ماقتان ەتۋى ءتيىس. ەگەر ءبىز ءوزىمىز انا تىلىمىزدە ادەمى سويلەپ، جوعارى مادەنيەتىمىزبەن ۇلگى بولساق، جاستارىمىز دا سوعان ەلىكتەيدى»، - دەيدى كومپانيا باسشىسى دۋلات تاستەكەي.

دۋلات تاستەكەيدى كوپشىلىك ءتىل جاناشىرى رەتىندە تانيدى. ول ءوزى باسقارىپ وتىرعان كومپانيالار توبىنداعى ءىس-قاعازداردى قازاقشالاپ، قىزمەتكەرلەرىنە قازاق ءتىلى كۋرسىن ۇيىمداستىرىپ، ءوز ىسىمەن جانە ۇستانىمىمەن ۇلگى بولعان كاسىپكەر. سەبەبى مەكەمەدەگى باستى تالابى – قازاق ءتىلىن ءبىلۋ.

«ءبىزدىڭ بايلانىس ورتالىعىمىزعا قوڭىراۋ شالاتىنداردىڭ 60% قازاق تىلىندە قىزمەت الۋدى قالايدى. قازاق ءتىلى بيزنەس تىلىنە اينالۋى ءۇشىن تۇتىنۋشىلار ءوز تىلىندە قىزمەت كورسەتۋدى تالاپ ەتۋى ءتيىس. ەگەر كليەنتتەر قازاق تىلىندە سويلەسۋدى تالاپ ەتسە، بيزنەس تە سوعان بەيىمدەلەدى»، - دەيدى دۋلات تاستەكەي.

TAS Group قىزمەتىندە قازاق ءتىلىن كەڭىنەن قولدانۋدى جانە ونىڭ دامۋىنا ۇلەس قوسۋدى باستى ماقساتتارىنىڭ ءبىرى رەتىندە كورەدى. قازاق ءتىلىن تەك قۇجاتتامادا ەمەس، قىزمەتكەرلەرمەن سويلەسۋدە، ماركەتينگتىك ستراتەگيالاردا دا ءجيى پايدالانادى. كومپانيانىڭ ينتەرنەت-رەسۋرستارى مەن الەۋمەتتىك جەلىلەرىندەگى جازبالارىنىڭ بارلىعى ءبىرىنشى قازاق تىلىندە جاريالانادى، بۇل تەك ءتىلدىڭ مارتەبەسىن ارتتىرىپ قانا قويماي، قوعامنىڭ ۇلتتىق ساناسىن دامىتۋعا دا ىقپال ەتەدى.

«بىزدە بۇگىنگى تاڭدا ءارتۇرلى ۇلت وكىلدەرى بار: ورىس، كارىس، ۇيعىر، وزبەك ۇلتىنىڭ وكىلدەرى، ودان باسقا از ۇلتتاردىڭ قانشا بارىن بىلمەيمىن، بۇلار قازاقستانداعى كەڭسەمىزدە، ال، ءبىزدىڭ بيزنەسىمىز رەسەيدە جانە وزبەكستاندا دا بار. ول جاقتا سول ەلدەردىڭ نەگىزگى حالقى جۇمىس ىستەپ جاتىر. سونداي-اق وندا ءبىزدىڭ قازاقتار دا قىزمەت ەتىپ ءجۇر. بىزدە وسىنداي جاعداي. ياعني كومپانياداعى قىزمەتكەرلەردىڭ 90% استامى قازاقتار. مۇندا ماسەلە ۇلتقا بولىنگەندىك ەمەس، بىزدە قىزمەتكەرلەرگە قويىلاتىن تالاپتاردىڭ ءبىرى قازاق ءتىلىن جەتىك ءبىلۋ. سوعان دا بايلانىستى شىعار، ءبىزدىڭ بىلىكتى قىزمەتكەرلەردىڭ نەگىزى قازاق ۇلتىنىڭ ازاماتتارىنان قۇرالعان»، - دەپ قوستى دۋلات تاستەكەي.

TAS Group كومپانياسى ءارقاشان قازاقتىڭ ۇلتتىق داستۇرلەرىنە، مادەنيەتى مەن بولمىسىن قۇرمەتتەيدى. بۇل كومپانيانىڭ لوگوتيپى مەن كورپوراتيۆتىك مادەنيەتىندە كورىنىس تابادى. قازىرگى تاڭدا الەمدىك بيزنەس كەڭىستىگىندە ۇلتتىق ناقىشتار مەن ەتنيكالىق ەلەمەنتتەردى ساقتاپ قالۋ وڭاي ەمەس، الايدا TAS Group بۇل اسپەكتىلەردى ءوز بيزنەسىنىڭ اجىراماس بولىگىنە اينالدىردى. قۇندىلىقتار مەن سالت-داستۇرلەر كومپانيانىڭ كورپوراتيۆتىك ستراتەگياسىنا، جۇمىس تارتىبىنە جانە قىزمەتكەرلەرمەن قارىم-قاتىناسقا اسەر ەتەدى.

TAS Group تەك ءوزى ءۇشىن جۇمىس ىستەپ قانا قويماي، قازاقستاندىق كاسىپكەرلەر مەن جۇمىسشىلاردى قولداۋعا دا باعىتتالعان جوبالاردى جۇزەگە اسىرادى. كومپانيا ءتۇرلى الەۋمەتتىك جانە ءبىلىم بەرۋ باعدارلامالارىن قولدايدى، جاستارعا كاسىپكەرلىك داعدىلارىن ۇيرەتىپ، ولارعا تاجىريبە الۋعا مۇمكىندىك بەرەدى. وسىلايشا، TAS Group ەل ەكونوميكاسىنا قوساتىن ۇلەسىن ارتتىرىپ، ءوز تاراپىنان جاستاردى تاربيەلەۋ مەن قولداۋ جۇيەسىن قالىپتاستىرۋدا.

 «Assyltas» قوعامدىق قورى TAS Group قارجى كومپانيالار توبىنىڭ الەۋمەتتىك جاۋاپكەرشىلىگىن جۇزەگە اسىراتىن قور. جىلدىق پايدامىزدىڭ ءبىر بولىگىن قوعام مەن مادەنيەتتىڭ دامۋىنا جۇمسايمىز. «يننوۆاسياعا دەن قويىپ، قازاق ءتىلىن قالىڭ بۇقارانىڭ ىسكەرلىك ورتا تىلىنە اينالدىرۋ. قايىرىمدىلىق جاساۋ. ۇلتتىق قۇندىلىقتاردى دارىپتەۋ. ۇلتتىق مۇددە جولىندا قىزمەت ەتۋ» - «Assyltas» قوعامدىق قورىنىڭ ميسسياسى، ياعني ءومىر ءسۇرۋ ءمانى. بۇل اينالىپ كەلگەندە TAS Group كومپانياسىنىڭ دا بولمىسىن كورسەتەدى. TAS Group كومپانياسىنىڭ نەگىزگى ميسسياسى قارجى نارىعىنداعى جۇمىسى بولاتىن بولسا، جالپى توپتىڭ ميسسياسى وسىعان كەلىپ سايادى»، - دەپ اتاپ ءوتتى دۋلات تاستەكەي.

ۇلتتىق قۇندىلىقتاردى ناسيحاتتاۋدى بەلسەنە قولداپ جۇرگەن دۋلات تاستەكەي بۇگىندە تەك كاسىپكەر ەمەس، سونداي-اق الماتى قالالىق ءماسليحاتىنىڭ دەپۋتاتى، ءارى مەسەنات.

«مەن الماتى قالالىق ءماسليحات دەپۋتاتى بولىپ سايلانعان سوڭ، سول ءماسليحاتتىڭ بولاتىن ءىس-شارالارىندا، جيىندارىندا ءوز تاراپىمنان بارلىق دۇنيەنىڭ مەملەكەتتىك تىلدە بولۋىنا دەپۋتات رەتىندە تالاپ قويىپ، بىر-ەكى وتىرىستاردا ءوزىمنىڭ پوزيسيامدى ءبىلدىردىم. سەبەبى ءبىز باسقا ۇلتتاردى قولىمىزدان كەلگەنشە سىيلاۋعا تىرىسامىز، ءبىراق سولاي ەكەن دەپ ءاردايىم سولاردىڭ ىعىنا جىعىلا بەرەتىن بولساق، ونىمىز بولماس. ءبىز ءبىرىنشى كەزەكتە ءوزىمىزدىڭ انا تىلىمىزگە قۇرمەت كورسەتەيىك، سودان كەيىن قوناقتاردى سىيلايىق. الدىمەن وزىمىزگە قۇرمەت كورسەتپەي، قاشاندا وزگەنىڭ ىعىنا جىعىلا بەرەتىن بولساق، وندا ءبىزدىڭ تىلىمىزگە دەگەن سۇرانىس، قاجەتتىلىك بولمايدى. قاجەتتىلىك پەن سۇرانىس بولماسا وعان دەگەن قىزىعۋشىلىق مۇلدە بولمايدى.»، - دەيدى دۋلات تاستەكەي.

TAS Group تەك قازاقي قۇندىلىقتاردى عانا ەمەس، ەكونوميكالىق جانە قارجىلىق تۇرعىدان دا تۇراقتى ءارى يننوۆاسيالىق كوزقاراستى العا تارتادى. كومپانيا جاڭا تەحنولوگيالار مەن بيزنەس ۇلگىلەرىن ەنگىزۋ ارقىلى قازاقستان ەكونوميكاسىن جاڭا دەڭگەيگە كوتەرۋگە تىرىسادى. سونىمەن قاتار، سىرتقى نارىقتارعا شىعۋ ارقىلى وتاندىق ونىمدەر مەن قىزمەتتەردى حالىقارالىق ارەنادا تانىتۋعا دا ءمان بەرەدى.

«تەحنولوگيالىق جاعىنان ءبىر ورىندا تۇرۋ – وزىق كومپانيالاردىڭ ارتىندا قالۋمەن تەڭ. تەحنولوگياسىن كۇن سايىن جاڭارتاتىن كومپانيا رەتىندە جۇمىسىمىزدى توقتاتپايمىز. كليەنتتەرىمىزدىڭ ءومىرىن جەڭىلدەتۋ ءۇشىن ونلاين تەحنولوگيالاردى ءارى قاراي دامىتا تۇسەمىز. ءبىزدىڭ باسقا كومپانيالاردان باسەكەلەستىك ارتىقشىلىعىمىز – بيزنەستى ماسشتابتاندىرۋدى باسقاراتىن ءوزىمىزدىڭ اقپاراتتىق جۇيەمىز بار. ءقازىردىڭ وزىندە 70-تەن استام IT قىزمەتكەر جۇمىس ىستەيدى. ولاردىڭ جالاقىسى كومپانياداعى قالعان 250-دەن استام ادامنىڭ جالاقىسىنىڭ قوسىندىسىنان ارتىق. بۇل مامانداردىڭ قىزمەتى ەلىمىزدە عانا ەمەس، الەمدە جوعارى باعالاناتىنى ءمالىم. IT تەحنولوگيانى قولداۋ باسقالار ءۇشىن ينۆەستيسيا بولسا، TAS Group ءۇشىن – تۇراقتى بەلگىلەنگەن شىعىن. بىزدە fintech كومپانيانىڭ بارلىق ەلەمەنتتەرى قاراستىرىلعان.

وسى كۇنگە دەيىن اقش، اۆستراليا جانە ودان باسقا 40-تان استام مەملەكەتتى ارالاپ كەلدىم، الايدا ول جاقتا تامساندىراتىن قارجى سەرۆيسىن كورمەدىم. ءبىزدىڭ كومپانيالاردىڭ جاساپ جۇرگەن دۇنيەلەرىن الەمنىڭ ەشبىر مەملەكەتىندە قايتالاي العان جوق. ءبىز قارجى سالاسىنداعى وزىق تەحنولوگيالاردى قوسۋدا كوشباسشىمىز دەۋگە بولادى. مىسالى، وتاندىق بانكتەردىڭ ءبىرى IPO-عا شىقتى، تاعى بىرنەشە قازاقستاندىق كومپانيا سونداي ءساتتى IPO جاساسا، الدا ەلىمىز fintech كومپانيالار شوعىرلانعان ورتالىق رەتىندە