ASSYLTAS قوعامدىق قورى اباي وبلىسىنىڭ جاستارىنا “جاساندى ينتەللەكت” نەگىزدەرىن تەگىن وقىتۋدى باستادى. وزىق ستۋدەنتتەر اقش-تىڭ بوستون قالاسىنا ءبىلىم ساپارىنا جىبەرىلەدى.
بولاشاقتىڭ تەحنولوگياسىن مەڭگەرۋگە باعىتتالعان «Assyl AI» جوباسىنا 100-دەن استام ستۋدەنت قاتىسىپ جاتىر. ولار توپپەن جۇمىس ىستەيدى، جي تەورياسى مەن پراكتيكالىق تاپسىرمالار ورىندايدى جانە سالا ماماندارىمەن جۇمىس ىستەيدى.
«جىل باسىندا مەملەكەت باسشىسى قازاقستاندا جاساندى ينتەللەكتىنىڭ دامۋىن جەدەلدەتۋ قاجەتتىگىن ايتتى. ۇكىمەت سيفرلاندىرۋ مەن جي-دى قولدانۋ بويىنشا كەشەندى جۇيە قۇرۋى ءتيىس. وسى ماقساتتا ASSYLTAS قوعامدىق قورىنىڭ باستاماسىمەن، حالىقارالىق قازاق ءتىلىنىڭ قولداۋىمەن جاڭا جوبا ازىرلەندى. ءبىز ەلىمىزدە جي-دىڭ دامۋىنا ءوز ۇلەسىمىزدى قوسپاقپىز. العاشقى قادامىمىزدى اباي وبلىسىندا باستاۋدى ءجون كوردىك»، - دەدى ASSYLTAS قورىنىڭ قۇرىلتايشىسى دۋلات تاستەكەي.
باعدارلاما اياسىندا قاتىسۋشىلار حاكاتوندا بيزنەس-كەيستەر مەن ناقتى تاپسىرمالاردى شەشىپ، ۇزدىك يدەيالار مەن جوبالار تاڭدالادى. بۇدان بولەك، پەرسپەكتيۆالى جوبالارعا ميني-گرانتتار بەرىلەدى، ولار قارجىلىق قولداۋ الادى. سونىمەن قاتار ۇزدىك ستۋدەنتتەر TAS Group كومپانيالار توبىنا جۇمىسقا تۇرۋعا مۇمكىندىك الادى. باعدارلاما قورىتىندىسى بويىنشا باس جۇلدە جەڭىمپازدارى ماسساچۋسەتس تەحنولوگيالىق ينستيتۋتىنا ءبىلىم ساپارىمەن جىبەرىلەدى. ساپار بارىسىندا ولار الەمدىك دەڭگەيدەگى تەحنولوگيالىق كومپانيالاردى كورۋگە مۇمكىندىك الادى.
بولاشاقتا «Assyl AI» جوباسىن ەلىمىزدىڭ بارلىق وڭىرلەرىندە جاساۋدى جوسپارلاپ وتىرمىز.
