پرەزيدەنت قاسىم-جومارت توقايەۆتىڭ جارلىعىمەن رۋسلان جاقسىلىقوۆ قازاقستان رەسپۋبليكاسىنىڭ قورعانىس ءمينيسترى قىزمەتىنەن بوساتىلدى. ول بۇل لاۋازىمدى 2022 جىلدىڭ 19 قاڭتارىنان باستاپ اتقارىپ كەلگەن ەدى.
ونىڭ ورنىنا وسى سالادا ۇزاق جىلدىق تاجىريبەسىمەن تانىلعان گەنەرال-لەيتەنانت داۋرەن جۇماتاي ۇلى قوسانوۆ تاعايىندالدى. بۇل تاعايىنداۋ تۋرالى اقوردانىڭ باسپا ءسوز قىزمەتى حابارلادى.
جاڭا مينيستر كىم؟
1969 جىلى پاۆلودار وبلىسىنداعى نوۆوترويسكوە اۋىلىندا دۇنيەگە كەلگەن داۋرەن قوسانوۆ اسكەري قىزمەتتىڭ بارلىق ساتىسىنان وتكەن كاسىبي مامان سانالادى. ول:
ءۇشارالداعى جاۋىنگەرلىك پولكتە قىزمەت ەتتى؛
تالدىقورعانداعى "سۋ-27" ەسكادريلياسىن باسقاردى؛
قاراعاندى مەن شىمكەنت اۆيابازالارىندا باسشىلىق قىزمەت اتقاردى؛
اۋە قورعانىسى كۇشتەرى اسكەري-اۋە كۇشتەرىنىڭ قولباسشىسى بولدى؛
اقتوبەدەگى اۋە قورعانىسى كۇشتەرى اسكەري ينستيتۋتىن باسقاردى.
2022 جىلعى 29 جەلتوقساندا قوسانوۆ قارۋلى كۇشتەردىڭ اۋە قورعانىسى كۇشتەرىنىڭ باس قولباسشىسى بولىپ تاعايىندالدى. ال 2024 جىلعى 28 قىركۇيەكتە قورعانىس ءمينيسترىنىڭ ورىنباسارى – اۋە قورعانىسى كۇشتەرىنىڭ باس قولباسشىسى لاۋازىمىنا كوتەرىلدى
«اسكەري ۇشقىش-مەرگەن» مارتەبەسىنە يە قوسانوۆ II دارەجەلى «داڭق» وردەنىمەن، «جاۋىنگەرلىك ەرلىگى ءۇشىن» مەدالىمەن جانە ءبىرقاتار مەرەيتويلىق مەدالدارمەن ماراپاتتالعان.
بۇل كادرلىق اۋىسىم — قازاقستان قارۋلى كۇشتەرىنىڭ باسقارۋ قۇرىلىمىنداعى ماڭىزدى وزگەرىس. ەلدىڭ قورعانىس سالاسىنا جاۋاپتى جاڭا ءمينيستردىڭ تاجىريبەسى مەن بەدەلى الداعى ستراتەگيالىق شەشىمدەردىڭ سالماعىن ارتتىراتىنى انىق.
