قازاقستاننىڭ قورعانىس ۆيسە-مينيسترى رەسەي اسكەريلەرىنىڭ قازاقستانداعى "سارى-شاعان" پوليگونىندا قانداي زىمىرانداردى سىناقتان وتكىزىپ جاتقانىن ايتا المادى.
قورعانىس ءمينيسترىنىڭ ورىنباسارى شايح-حاسان جازىقبايەۆ قاراعاندى جانە جامبىل وبلىسىنىڭ جەرىندەگى اسكەري پوليگوندا 200 شىقىرىمعا دەيىن ۇشا الاتىن زىمىراندار سىناق ماقساتىندا اتىلىپ جاتقانىن ايتتى. "بۇل پوليگوندا ەشقانداي ەلدىمەكەن، ينفراقۇرىلىم جوق" دەدى ول.
ءبىراق رەسەيدىڭ قازاقستان جەرىندە قانداي زىمىرانداردى اتىپ جاتقانىن گەنەرال-مايور ايتپاي قويدى: "بۇل سۇراق ق ر سىرتقى ىستەر مينيسترلىگىنىڭ قۇزىرىندا" دەپ قۇتىلدى.
"ول قارۋ ۋكرايناداعى سوعىستا قولدانىلا ما؟" دەگەن سۇراققا ۆيسە-مينيستر "جوق" دەپ قويادى.
سونىمەن قاتار، ونىڭ سوزىنشە، قازاقستاندا ءقازىر رەسەيدىڭ 900 اسكەري قىزمەتكەرى بار.
پىكىر قالدىرۋ