پەتروپاۆل. قازاقپارات - سقو-دا لاڭكەستىڭ تۋرالى جالعان قوڭىراۋ سالدارىنان ساۋمالكول اۋداندىق اۋرۋحاناسىنان 56 ادام ءقاۋىپسىز جەرگە شىعارىلدى. بۇل تۋرالى وبلىستىق ءىىد باسپا ءسوز قىزمەتىنەن حابارلادى.
«4 قازاندا ايىرتاۋ اۋدانى ساۋمالكول اۋدان ورتالىعىنداعى مەديسينالىق جەدەل جاردەم قىزمەتىنىڭ «103» تەلەفون نومەرىنە بەلگىسىز ەر ادام قوڭىراۋ شالىپ، جارىلعىش زات قويىلعانىن حابارلاعان.

ديسپەچەر بىردەن بۇل تۋرالى ايىرتاۋ اۋداندىق ءىىب كەزەكشىسىنە حابارلادى. ءاىىب، تجب، ۇقكدب قىزمەتكەرلەرى «تەرەم» قىزمەتتىك ءيتىنىڭ كومەگىمەن  ساۋمالكول ورتالىق اۋداندىق اۋرۋحاناسىنىڭ عيماراتىن تەكسەردى. 10 مەديسينالىق قىزمەتكەر مەن ەمدەلىپ جاتقان 46 ادام ۋاقىتشا ءقاۋىپسىز جەرگە شىعارىلدى»، - دەلىنگەن حابارلامادا.

تەرگەۋ كەزىندە پوليسەيلەر بۇزاقىلىق جاساپ، قوڭىراۋ شالعان كونستانتينوۆكا اۋىلىنىڭ 18 جاستاعى تۇرعىنىن ۇستادى.  

اتالعان فاكت بويىنشا سوت الدىنداعى تەرگەۋ جۇمىستارى جۇرگىزىلىپ جاتىر. كۇدىكتى ۋاقىتشا ۇستاۋ وقشاۋلاعىشىنا قامالدى. بۇل قىلمىس ءۇشىن 6 جىلعا دەيىن باس بوستاندىعىنان ايىرۋ جازاسى قاراستىرىلعان.

جىل باسىنان جارىلعىش زات جونىندە جالعان حابار بەرۋدىڭ بۇل ءۇشىنشى وقيعاسى. پەتروپاۆل قالالىق سوتىنىڭ شەشىمىمەن ءساۋىر ايىنىڭ باسىندا ۆوكزالدا جارىلعىش زات ورناتىلدى دەپ جالعان حابار بەرگەن 32 جاستاعى وبلىس ورتالىعىنىڭ تۇرعىنى 3 جىلعا سوتتالدى.

"قامشى" سىلتەدى

دەرەككوز: قازاقپارات