الماتى. قازاقپارات - حالىقارالىق «الماتى تۋرى-2015» بىركۇندىك ۆەلوجارىسى وتە جوعارى دەڭگەيدە ۇيىمداستىرىلعان. بۇل تۋرالى بۇگىن الماتىدا وتكەن ارنايى باسپا ءسوز ءماسليحاتى بارىسىندا رەسەيلىك «Katusha» كاسىبي ۆەلو كومانداسىنىڭ سپورت ديرەكتورى گەنناديي ميحايلوۆ ءمالىم ەتتى.

«ءبىز بۇل جارىسقا وسىمەن ەكىنشى رەت قاتىسىپ وتىرمىز. وتكەن جىلى ەكىنشى ورىن العان بولاتىنبىز. بيىل وتە مىقتى قۇراممەن كەلدىك. ارامىزدا، وتكەن جىلعى جارىستا كۇمىس جۇلدەگە يە بولعان سەرگەي چەرنەسكيي دە بار. وتكەن جىلى جارىس ءبىز ءۇشىن ءساتتى بولدى. تراسسا ءبىر قاراعانعا قيىن ەمەس سياقتى كورىنەدى. جارىس جولى كەڭ، ۇلكەن ءارى تەگىس. ءبىراق، جارىس بارىسىندا بيىكتىك دەڭگەيىنىڭ ايىرماسى اسەرىن تيگىزبەي قويمايدى. اسىرەسە، جارىستىڭ سوڭعى شاقىرىمدارى جىگىتتەرگە وتە قيىن سوعادى. ءبىراق، ءبىزدىڭ جىگىتتەر بۇل قاشىقتىققا دايىن. مەنىڭشە سوڭعى شاقىرىمداردا سىتىلىپ العا شىققان مىقتى ۆەلوشاباندوزدار جارىس تاعدىرىن شەشەدى دەپ ويلايمىن. ەرتەڭ جارىس وتە قىزىقتى وتەتىندىگى ءسوزسىز. ۇزدىك ناتيجەگە قول جەتكىزەمىز دەگەن ۇمىتتەمىز»، - دەدى گ. ميحايلوۆ.

ءوز سوزىندە «Katusha» كاسىبي ۆەلوكومانداسىنىڭ مۇشەسى سەرگەي چەرنەسكيي بيىلعى جارىسقا تىڭعىلىقتى دايىندىقپەن كەلگەندىگىن جەتكىزدى.

«الەكسەي لۋسەنكومەن مارەگە جاقىندعاندا جارىسۋ قيىن. ويتكەنى ول تەز، باتىل قيمىلدايدى. ەگەر مارە الدىنداعى سوڭعى دوڭەستە ودان بۇرىن العا ۇمتىلىپ، سىتىلىپ كەتۋگە ارەكەت جاساساڭ، وندا جەڭىسە جەتۋگە مۇمكىندىك بار. وتكەن جىلى ول مەنەن مىقتى بولدى. ول بيىل دا بابىندا. ال ەندى بۇل جولى كىمنىڭ بعى جاناتىندىعىن جارىس كورسەتەدى»، - دەدى س. چەرنەسكيي.

ايتا كەتەلىك، وتكەن جىلعى جارىستا ءبىرىنشى ورىندى «Astana Pro Team» ۆەلوكومانداسىنىڭ شاباندوزى الەكسەي لۋسەنكو جەڭىپ العان بولاتىن.

"قامشى"سىلتەيدى

دەرەككوز: قازاقپارات