الماتى قالاسىنىڭ اكىمى باۋىرجان بايبەك ترامۆاي دەپوسىنىڭ جۇمىسىن ۋاقىتشا توقتاتۋ تۋرالى شەشىم قابىلداعاننان سوڭ، ماسەلەنىڭ ءمان-جايىن جۇرتشىلىققا ءتۇسىندىرۋ ماقساتىندا «الماتىەلەكتركولىگى» جشس-دا باسپا ءسوز وكىلدەرىنە ارنالعان بريفينگ ءوتتى. بريفينگتە كومپانيا باسشىلىعى دەپونى ءبىرجولا جابۋ ماسەلەسى قويىلىپ وتىرماعانىن ايتتى. بۇل تۋرالى «قامشى» پورتالى Tengrinews.kz-كە سىلتەمە جاساپ حابارلايدى.

كومپانيا باسشىسى تورەالى تولەگەنوۆتىڭ ايتۋىنشا، سوڭعى ۋاقىتتا ورىن العان جول اپاتتارىنان سوڭ دەپو جۇمىسى، ترامۆاي جولدارى كەشەندى تەكسەرىستەن وتكەن. سول تەكسەرىس قورىتىندىسى بويىنشا، ترامۆاي جولدارىنىڭ احۋالىنا بايلانىستى ءبىرقاتار كەمشىلىكتەر انىقتالعان.

قالالىق اكىمدىك وكىلى، كولىك باسقارماسى باستىعىنىڭ ورىنباسارى ەرلان ءادىلوۆ بولسا، جاقىن كۇندەرى ترامۆاي كولىگىن پايدالانۋدىڭ بۇدان ءارى قارايعى ماڭىزى بار ما دەگەن ماسەلەنىڭ قارالاتىنىن ايتتى. بۇل رەتتە ەكونوميكالىق ماسەلەلەرمەن قاتار، تۇرعىنداردىڭ دا پىكىر، ۇسىنىستارى ەسكەرىلمەك.