قازاقستان "يسلام مەملەكەتى" ەكسترەميستىك ۇيىمىن تەررورلىق ۇيىم دەپ تانىپ، قىزمەتىنە تىيىم سالدى. بۇل تۋرالى «قامشى» پورتالى «ازاتتىق» راديوسىنا سىلتەمە جاساپ حابارلايدى.

باس پروكۋراتۋرانىڭ قۇقىقتىق ستاتيستيكا جانە ارنايى ەسەپ كوميتەتىنىڭ حابارلاۋىنشا، يم-دى تەررورلىق ۇيىم دەپ تانۋ تۋرالى شەشىمدى استانانىڭ ەسىل اۋداندىق سوتى 15 قازاندا شىعارعان.

قازاقستان يم-گە دەيىن 16 ءدىني ۇيىمدى تەررورلىق دەپ تانىپ، قىزمەتىنە تىيىم سالعان. ولاردىڭ قاتارىندا "ءال-قايدا"، "وزبەكستان يسلام قوزعالىسى"، "شىعىس تۇركىستان يسلام پارتياسى"، "تاليبان"، "ورتالىق ازيا مودجاحەدتەر جاماعاتى" سياقتى ۇيىمدار بار.

يم وتكەن جىلى جازدا يراك پەن سيريانىڭ ءبىراز اۋماعىن باسىپ العان.

ۇلتتىق قاۋىپسىزدىك كوميتەتىنىڭ ءتوراعاسى نۇرتاي ابىقايەۆ بۇعان دەيىن يم قاتارىندا 300 قازاقستاندىق سوعىسىپ جۇرگەنىن مالىمدەگەن.