QR Bilim jáne ǵylym mınıstri Erlan Saǵadıev vıse-mınıstr Esanǵazy Imanǵalıevke Almatydaǵy №1 balalar úıindegi tárbıelenýshiniń jaǵdaıyn sheship berýdi tapsyrdy, - dep habarlaıdy «Qamshy» portaly Tengrinews.kz – ke silteme jasap.

"Mınıstr Balalardyń quqyǵy jónindegi Konvensıanyń 19-babyna sáıkes, jaǵdaıǵa ádil baǵa berip, óz quzyrymyzdyń aıasynda shara qoldanýymyz kerek ekenin atap ótti. Sonymen qatar, Erlan Kenjeǵalıuly Saǵadıev máseleniń barysyn ádil ári ashyq bolýy úshin qoǵamdyq uıymdardy shaqyrýdy tapsyrdy", - delingen mınıstrliktiń habarlamasynda.

Esterińizge salsaq, osyǵan deıin Almatydaǵy №1 balalar úıiniń 12 jastaǵy tárbıelenýshisi 2015 jyldyń jaz aılarynda zorlanǵanyn málimdegen bolatyn. Bul týraly bilgen adamdar qala prokýratýrasyna habar bergen. İs Almaty qalalyq İİD-ne berildi, tergeý júrip jatyr. Qazirgi ýaqytta bala asyrap alǵan ata-anasymen birge turyp jatyr.