Eýropalyq lıderler Reseıdiń “varvarlyq” soǵysyn toqtatý áreketteri sheshýshi sátke jetkenin aıtyp, Ýkraınaǵa áskerı jáne ekonomıkalyq qoldaýdy arttyrýǵa kelisti.

Londonda ótken kezdesýde Ýkraına prezıdenti Vladımır Zelenskıı AQSH usynǵan 28 tarmaqtyq beıbit jospardyń ornyna Kıevtiń 20 tarmaqtan turatyn balama nusqasyn seısenbide Vashıngtonǵa joldaıtynyn málimdedi. Ol terıtorıa máselesinde eshqandaı kompromıss bolmaıtynyn atap ótti.

Bul dıplomatıalyq sapar Tramptyń Zelenskııdi “jospardy oqymady” dep synaǵanynan keıin bastaldy. Londondaǵy kezdesýge Fransıa, Germanıa, Ulybrıtanıa basshylary qatysyp, keıin Fınlándıa, Italıa, Polsha, Nıderland, Danıa, Shvesıa jáne Túrkıa lıderleri onlaın qosylyp, Kıevke qoldaý tanytty.

Zelenskıı odan ári Brússelde EO jáne NATO basshylarymen kezdesti, keıin Italıaǵa attandy.

Al Máskeý AQSH-tyń jańa ulttyq qaýipsizdik strategıasyn “Reseı pozısıalarymen úılesedi” dep maqtap, NATO-nyń keńeıýin shekteý týraly tustaryn quptady.