«Erlerdiń jetistigi áıelge baılanysty» degen halyq danalyǵy. Prezıdenttiń jetistigi – birinshi hanymnyń kúıeýin baptap, jaǵdaıyn jasap, qolynan kelgenshe qoldaýyna baılanysty. Sondaı-aq birinshi hanym qoǵamda qyz-kelinshekterge jaqsy úlgi bolady. Comede.kz saıty TMD elderindegi birinshi hanymdar týraly qyzyqty málimetter jınady.
Marına POROSHENKO
Ýkraınanyń birinshi hanymy Marına Poroshenko – kardıolog-dáriger, medısına ǵylymdarynyń kandıdaty (Táýelsiz Ýkraınadaǵy alǵashqy dısertasıanyń avtory). Ol óz ýaqytynda otbasylyq ómiri men bala tárbıesi úshin mansap jolynan bas tartqan. Poroshenkolardyń otbasynda 4 bala bar, úlkeni Alekseı 29 jasta, egiz qyzdary Evgenıı men Aleksandra 14 jasta, kenjesi Mıhaıl 13 jasta.
Marına «birinshi hanym» degen termındi unatpaıdy. «Men osy sózdi múlde unatpaımyn. Ol bir bólektený sıaqty. Men joldasyma kómektesýge daıynmyn, eń bastysy osy. Kún saıyn saıyn týyndaıtyn máselelerde kúıeýime kómektesýge, máseleni sheshýge bilek sybana kirisemin, - deıdi Marına Poroshenko.
Lúdmıla PÝTINA
Lúdmıla Pýtınanyń esimin árqashan nazarda ustaýǵa tıispiz. Eń alǵashqy sebep, onyń Reseı prezıdenti Vladımır Pýtınniń jary bolǵandyǵy. Sońǵy ýaqytta úlken dúrbeleń týǵyzǵan taqyryp, onyń saıası qaıratkermen ajyrasýy boldy. Pýtınder 30 jyl otasqan otbasy.
Lúdmıla Pýtına bala kezinen aktrelik mamandyqty armandaǵan, biraq Kalınıngrad tehnıkalyq ınstıtýtyna oqýǵa túsken. Eki jyl oqyǵan soń, Kalınıngrad avıaotrádynyń stúardessa kásibine aýysady. Kóktegi kemeniń ishki reısterine ushty. Degenmen, teatr onyń ómirinde úlken ról atqardy. Ol ómirlik qosaǵy Vladımır Pýtınmen teatr kasasynyń aldynda tanysady.
Reseıdiń birinshi hanymy qaıyrymdylyq pen bilim berý júıesine aralasty. Lúdmıla Pýtına orys tilin damytý ortalyǵyna jetekshilik etip, bilim berý reformasyn talqylaýǵa qatysty. Sondaı-aq,psıhologıadaǵy erler men áıelderdiń qarym-qatynasyna mán beredi. Lúdmıla Reseıdiń birinshi hanymy retinde AQSH, Germanıa, Fransıa men kóptegen batys elderiniń delegasıasyn qabyldady. Ol sonymen qatar, álemniń kóptegen elderine Reseı azamattary ishinde, odan tysqary jerlerde memlkettik syıaqylar bóldi.
Mehrıban ALIEVA
Mehrıban Alıeva medısınalyq ýnıversıtettiń stýdenti bola júrip, Ázirbaıjannyń bolashaq prezıdentine turmysqa shyqty. Álıev osy áıeldiń arqasynda óziniń sonshalyqty tabysty mansabyn jasady. «Men jıyrma jyl Geıdar Álıevteı azamattyń qasynda ómir súrip kelem. Biz otbasymyzben árdaıym birge boldyq, jáne biz onyń barlyq qıyn jyldary men baqytty sátterinde onymen birgemiz» deıdi Mehrıban.
Mehrıban barlyǵyna úlgerýge tyrysady. Ol úsh balanyń anasy ǵana emes, kórnekti qoǵam qaıratkeri, BUU men IýNESKO-nyń elshisi, sondaı-aq, Geıdar Álıev atyndaǵy Qordyń prezıdenti boldy. Túrli qyzmetterdi atqarǵan Ázirbaıjannyń birinshi hanymy árdaıym tamasha, aıyryqsha kelbetti kórinetin. Ol óziniń 50 jasynda da ádemi músinin saqtaǵan, qalyń shashty prezıdenttiń áıeline kez-kelgen arý qyzyǵa qaraıdy.
Rıta SARGSÁN
Armenıanyń birinshi hanymy ásirese saıası qyzmetterge onsha qyzyqpady. Rıta Sargsán qaıyrymdylyq aksıalary men armán mádenıetin ilgeriletýge atsalysty.
Sargsán hanym óziniń kásibı mansabyn mýzykadan oqytýshy retinde bastady. Onyń búgingi qyzmeti osylaı bastaldy. Birinshi hanym jıi konsertter uıymdastyryp, turmysy tómen jáne kóp balaly otbasylarǵa, jetimder men múgedekterge arnap sharalar ótkizedi.
Raısa ATAMBAEVA
Qyrǵyzstannyń birinshi hanymy Reseıde Ýral degen jerde týǵan. Keńes Odaǵy kezinde Oshqa kóship kelgen. Ol osynda Lomonosov atyndaǵy orta mektepti bitirip, bastaýysh synyptardy aǵylshynnan oqytady.
Raısa Atambaeva – medısına ǵylymdarynyń kandıdaty, ol kópshilik ortada belsendi júredi, qaıyrymdylyqpen aınalysady.
Atambaevtardyń eki balasy bar, uly Qadyr Túrkıada oqıdy. Qyzy Álıa 10 synyp oqýshysy.
Tatána KARIMOVA
Tatána Karımova – Ózbekstan prezıdenti Islam Karımovtyń ekinshi áıeli. Tatána Akbarqyzy – ekonomıka ǵylymdarynyń kandıdaty, Ózbekstannyń ekonomıka ınstıtýty Ǵylym akademıasynda aǵa ǵylymı qyzmetker boldy. Qoǵamdyq qyzmetpen de qatar aınalysty.
Tatána Karımova birinshi hanym quqyǵymen erli-zaıyptylardyń barlyq resmı is-sharalaryna qatysady. Kóptegen derek kózderi súıensek, Tatána Akbarqyzy el basqarýǵa da tikeleı qatysady.
Karımovterdiń eki qyzy bar. Úlkeni Gúlnar – Garvard túlegi, saıasattanýshy, karateden qara belbeý ıegeri. SİM keńesshisi (Ózbekstannyń Máskeýdegi elshiliginiń keńesshisi qyzmetiniń jumys tájirıbesi bar). Kishisi Lola Tashkent ýnıversıtetiniń álemdik ekonomıka jáne dıplomatıa mamandyǵyn bitirgen.
Azızmo ASADÝLLAEVA
Tájikstannyń birinshi hanymy álem jurtshylyǵynyń aldynda óte qupıa jan. Ol týraly resmı aqparattar joq, buqaralyq aqparat quraldary jazbaıdy.
Azızmo Asadýllaeva qabyldaýlarda sırek bolady, tipti kúıeýine erip eshqashan saparlamaǵan. Azızmo – toǵyz balanyń anasy, jeti qyz, eki uly bar. Qyzdarynyń biri Fırýza Dýshanbe ortalyǵynda dúkender jelisiniń meńgerýshisi. Taǵy bir qyzy Parvına medınısına ýnıversıtetinde oqıdy. Al kishi balalary tájik astanasyndaǵy prezıdent lıseıinde oqıdy.
Margareta TIMOFTI
Margareta Tımoftı – Moldova prezıdenti Nıkolaı Tımoftıdiń jary. Ol kitaphana isi fakúltetin bitirgen, uzaq jyldar kitaphanashy bolyp jumys istegen. Qazir Iona Kránge atyndaǵy elordalyq balalar kitaphanasynda qoǵammen baılanys bóliminiń basshysy bolyp qyzmet atqarady.
Margareta Tımoftı birinshi hanym retinde birqatar áleýmettik, bilim berý jáne mádenı jobalarǵa qatysady. Sonymen qatar, Margareta «SOS Autism» áıelder klýbynyń Moldava Qaýymdastyǵy prezıdenti, «Angelus Moldava» medısınalyq-áleýmettik qaıyrymdylyq qorynyń teń tóraǵasy qyzmetterin atqarady.
Sara NAZARBAEVA
Sara Nazarbaeva Qaraǵandy metalýrgıa kombınatynda bilim alǵan. Oqýyn aıaqtaǵan soń «Qaraǵandykómir» óndiris ornynda jumys istedi.
Qazaqstan Respýblıkasy «Ult Lıderiniń» jubaıy Sara Nazarbaeva qaıyrylymdylyqpen belsendi aınalysady. Onyń qory 15 jyl boıy balalardy qoǵam men adamgershilikke rýhanı tárbıeleýmen aınalysyp keledi. Birinshi hanym shańǵy jáne júzý sport túrlerimen, halyq ánderin aıtýmen áýestenedi.
Búginde Sara Nazarbaevanyń «ózin-ózi taný» avtorlyq jobasy adamgershilik pen ulttyq rýhanı qundylyqtardy jańǵyrtýda. Bul joba bilim berý júıesinde: balabaqshada, mektepterde, ýnıversıtetterde oqytýǵa engizildi.
