2014 jyl 1 sáýirde fılologıa, ádebıettaný jáne álem tilderi fakúltetindegi «TARZHIMAN CLUB» jas aýdarmashylar klýbynda belgili aýdarmashy Samal Berdibekqyzy Soqpaqbaevamen shyǵarmashylyq kezdesý ótti. Aýdarma teorıasy jáne ádisnamasy kafedrasynyń meńgerýshisi Ánýar Taraqovtyń aýdarmashy shyǵarmashylyǵy týraly kirispe sóz sóıledi.
Qazaq prozaıkteriniń shyǵarmalaryn orys tiline aýdarǵan tájirıbeli aýdarmashy retinde Samal Berdibekqyzy kórkem aýdarmanyń qyr-syry, qıyndyǵy men ereksheligi týraly áserli áńgime ótkizdi, bolashaq aýdarmashylarǵa aqyl-keńesin aıtty, aýdarmashyǵa kerek qasıetterdi atap kórsetti. Sondaı-aq, qazaqtyń kórnekti jazýshysy Berdibek Soqpaqbaevtyń 80 jyldyq mereıtoıy qarsańynda jazýshynyń qyzy retinde estelikter aıtty, «Meniń atym - Qoja» týyndysyn aýdarý tájirıbesi jóninde oı bólisti.
«TARZHIMAN CLUB» jas aýdarmashylar klýbynyń jetekshisi, dosent L.Musaly aýdarmashyǵa stýdentter atynan alǵys bildirip, qazaq aýdarmataný ǵylymynyń atqarar mindeti mol ekenin atap ótti. Kezdesý bolashaq aýdarmashylar úshin qyzyqty da paıdaly boldy.
