FB-ta osy máseleni talqylaı bastapty. Oǵan qosarym: Bulaı deý - "materıa - birinshi, sana - ekinshi" deıtin materıalısik marksızmniń "sanany turmys bıleıdi" degen qaǵıdasyn metafızıkalyq, qaradúrsin turǵyda túsiný. Bul - jan-jaqty oıdyń (dıalektıkalyq logıkanyń) joqtyǵyn, onyń formaldi logıka deńgeıinen aspaýyn bildiredi. Memleket basqarý isinde bundaı prınsıpti basshylyqqa alý - óte qıyn jaǵdaıǵa ákeledi. Mysaly, tipten, burynǵy saýatsyz kolhoz bastyǵynyń ózi de aldymen qandaı sharýa atqaratynyn, jurtty oǵan qalaı jumyldyratynyn oıda pysyqtap, josparlap alatyn. Ol - aldymen "saıasatker" edi. Al "aldymen ekonomıka" degeniń - "esektiń aldyna jemdi úıip tastasań da oǵan aqyl kirmeıdiniń" kebi ("jemdi" - munaıdan, ken baılyqtan, urlyqtan, korrýpsıadan túsken "kóldeneń", ıaǵnı "mańdaı tersiz" kelgen paıda dep uǵyńyz). Qazirgi zamanda Adamzat álemdi aqylmen bılep otyr. "Aqyl" bıleı almaǵan jerde (ony "kóregen saıasattyń joqtyǵy" dep uǵyńyz) ekonomıka da, ekonomıkany kóteretin qoǵam da, mádenıet te, jetistik te joq. "Soqyr baılyq" ("aldymen ekonomıka" degen sol) - Otandy ("qoǵamdy" dep uǵyńyz) tozdyrýǵa bastaıdy!