Qazaqstan Jazýshylar odaǵynyń uıymdastyrýymen M.Áýezov atyndaǵy Qazaq akademıalyq drama teatrynda Tolymbek Álimbekulynyń 60 jasqa tolýyna oraı «Tal tús» atty mereıtoılyq kesh ótti. Keshke «Qazaq gazetteri» seriktestiginiń Bas dırektory – Redaktorlar keńesiniń tóraǵasy Jumabek Kenjalın, «Ana tili» ult gazetiniń bas redaktory Samat Ibraım, bir top aqyn-jazýshylar men zıaly qaýym ókilderi  qatysty.

Atalǵan sharany Qazaqstan Jazýshylar odaǵy basqarmasynyń tóraǵasy, Qazaqstan Respýblıkasy Parlamenti Senatynyń depýtaty Nurlan Orazalın sóz sóılep ashty. Tileýqabyl Myńjasar men Aıgúl Imanbaeva júrgizgen basqosýda qalamgerdiń shyǵarmalarynan úzindiler oqylyp, óleńderine jazylǵan ánder oryndaldy. T.Jamanqulov, N.Ónerbaev, A.Jorabaeva, Mıras pen Quralaı, Q.Maqan, Q.Úmbetov, «Qulan saz» ansambli ánnen shashý shashyp, A.Boranbaev, N.Tutov, «Tamasha» oıyn-saýyq otaýy, «Terisqaqpaı», «Eki ezý» teatrlary, t.b. óner maıtalmandary ótkir ázilderimen jınalǵandardy kúlkige qaryq qyldy.

Almaty oblysy ákiminiń orynbasary S.Muqanov Almaty oblysy Máslıhatynyń sheshimimen «Almaty oblysynyń Qurmetti azamaty» atanǵan Tolymbek Álimbekulyn quttyqtap, oblys halqy atynan ıyǵyna shapan japty.