Qazaq talanyttan da, darynnan da kende halyq emes. Jastyq jalynyn ádemi jyrǵa bólep, talanytymen talaıdy tamsandyryp, jasyndaı jaryq etip sóngen jas ǵumyrlar bizde de barshylyq. Artyǵalı Ybyraev, Jeńis Sháken sekildi jıyrma degen qyrqanyń belesinen endi ǵana asqan shaǵynda, mezgilinen buryn opat bolǵan jyr dúldilderin jyr súıer qaýym umyta qoıǵan joq. Umytýǵa da tıisti emes. Qasiretti bolsada, qasıeti bólekshe bolǵan, osynaý bir tolqynǵa Bıbol Jumaǵalıuly sekildi taǵy da bir bozdaq kelip qosyldy. Taıaýda ǵana  «An Arys» baspasynan  «Men qaıta oıanam!..» atty jyr jınaǵy jaryq  kórgen edi. Ónerdegi aǵalarynyń jebeýimen, aınalasyndaǵy dostarynyń uıymdastyrýymen osy jyr kitaptiń tusaýkeseri ótpek. Jaryq etip sóngen bir ǵumyrdyń jalyndy jyryna kýá bolyńyzdar aǵaıyn! Kelem deýshilerge esigimiz ashyq!