Atbasar qalasynda erigen qar sýy 330 úıdi basyp qaldy.

Qaladaǵy sý basqan úılerden 256 adam qaýipsiz jerge kóshirilgen, olar mektepterge jaıǵastyryldy. Sý basqan aýdandarǵa bes baqylaý turaǵy ornatyldy.

Degenmen qala aýmaǵynan sý sorylyp jatqandyqtan, onyń deńgeıi báseńdep jatyr. "Sýdyń turǵyn úı sektorynyń qalǵan bólikterin basýyna jol bermeý maqsatynda jol tósemin ashý jóninde jumystar júrgizildi, sonyń nátıjesinde sý deńgeıi tómendedi, erigen qar sýy qubyrlar arqyly aryqqa quıylyp jatyr", - dep habarlady baspasóz qyzmeti.

Aqmola oblysynyń Astrahan aýdanynda erigen qar sýy eki úıdi basqan. Bul úılerden toǵyz adam kóshirildi. Al Selınograd aýdanynda 46 úı sý ortasynda qaldy, 95 adam kóshirildi. Shortandy aýdanynda jergilikti plotınadaǵy sý ótkizetin aınalma qubyrdyń jarylyp ketý qaýpi baıqalǵan. "Qazirgi ýaqytta bóget qalpyna keltirildi, plotınada sý deńgeıi 40 santımetrge tómendedi. 59 adam kóshirildi", - delingen TJD baspasóz qyzmetiniń habarlamasynda. Bulandy aýdanynda 30-dan astam turǵyn úıdi, Sandyqtaý aýdanynda aýyldarǵa aparatyn joldy sý basqan. Tengrinews.kz