-        Shyǵarmashylyǵyńyzda qandaı jańalyqtar bar? -       Men úshin 2013 jyl erekshe boldy. Kópten armandaǵan jeke shyǵarmashylyq keshimdi 29-qarashada Respýblıka saraıynda ótkizdim. Kesh «Monshaqtym» dep ataldy. Sahna óte joǵary dárejede bezendirildi. Ánder mýzykalyq aspaptardyń súıemeldeýimen oryndaldy. Lırıkalyq, klasıkalyq, dinı jeke ánderimmen qatar, qonaqta bolǵan ánshilermen dýet bop jazǵan ánder de shyrqaldy. -       Halyqtyń kóńilinen shyqty dep oılaısyz ba? -       Keshtiń halyqtyń kóńilinen shyqpaýy múmkin emes. Óıtkeni, barlyq kúsh jigerimdi, qaıratymdy, kúnimdi-túnimdi osy keshke arnadym. Halyq zalǵa lyq toldy. Shúkir. -       Qazir repertýaryńyzda kóbine dinı ánder... Tyńdarmandaryńyz qalaı qabyldap jatyr? -       Repertýarymda  dinı ánder emes, barlyq janrdaǵy ánder bar. Biraq dinı ánderge eldiń yqylasy tipten erekshe. -       Osy janrda án oryndaýyńyzǵa ne túrtki boldy? -       Stambýlda Qoja Ahmet Iassaýı medresesinde oqydym. Sol stýdenttik kezderde dinı taqyrypta ánderdi kóp oryndadym. Dinıe ánder ózime unaıdy, janym  da rahat tabady. -       Jaqynda telearnalardyń birinde «Kim ediń» ániniń sózi synǵa ushyrady. Ándi tańdaǵanda sózine mán beresiz be? -       Iá, synǵa ushyraǵanyn estidim. Biraq sony synap otyrǵan adamnyń ózi sondaı keremet sóz jaza alady ma eken? Qazaqta «bitken iske, synshy kóp» degen sóz bar. -       Óner salasyna qandaı jańalyq ákeldim dep oılaısyz? -       Asa bir jańalyq ákeldim dep oılamaımyn. Biraq dinı, ımandylyq ánderimmen erekshelenetin shyǵarmyn múmkin... -       Qazirgi qazaq estradasyndaǵy ánshiler bir-birine qatty uqsaıdy. Ánderi jylańqy degen pikirler bar halyq arasynda. Osy turǵyda qandaı oı aıta alasyz? Sizdiń ereksheligińiz qandaı? -       «Jylańqy» dep aıtýǵa kelispeımin. Óıtkeni, qazaqtyń minezi sondaı. Bizdiń mentalıtet ashyq-shashyq, qybyr-jybyrǵa kelmeıdi. Halyq ta unata bermeıdi ondaıdy. Sondyqtan bolar bizdiń ánshilerde baısaldy, maǵynaly ánder kóp. Ózime kelsem, ómirde qandaımyn, sahnada da ózimdi solaı ustaımyn. Eshqandaı erekshelik joq. -       HHİ ǵasyrdyń ónerinde siz moıyndaıtyn tulǵa? -       Qazirgi ǵasyrda men moıyndaıtyn óner adamy – Maqpal Júnisova. Ónerge naǵyz berilgen talantty adam. -       Maqpal, Roza apaılarymyzdyń, Eskendir, Nurǵalı aǵalarymyzdyń ánderin barsha qazaq eli, tipti shetelderde de tyńdaıdy. Ánderi máńgilik el esinde. Sizdiń ánderińiz ómirsheń bolady dep oılaısyz ba? -       Bul kisiler shynynda ónerge eńbegi sińgen jandar ǵoı. Alla buıyrtsa osy aǵa-apalardyń joldaryn bersin deımiz. -       Qoǵamdaǵy sizdi oılandyratyn mańyzdy másele qandaı? -       Qazirgi kezde  meni qatty oılandyratyn másele – adamdar arasyndaǵy baýyrmaldyq, meıirimdilik, adamgershilik qasıetterdiń azaıyp bara jatqandyǵy. Qazaqılyǵymyzdy joǵaltpaýǵa tyryssaq eken. -       Aldaǵy josparlaryńyzben bólise otyrsańyz... -       Aldaǵy josparym – oblystarda jeke shyǵarmashylyq keshterimdi aman-esen abyroımen ótkizip alý. 14-sáýir Aqtóbe qalasynan bastaımyz. Jańa ánder jazylyp jatyr. Jańa álbom, buıyrtsa, jaqyn kúnderi tyńdarman qolyna tıip qalar. -       Suhbatyńyzǵa rahmet!

Suhbattasqan Larısa Maqsat