Almaty ákimdigi okeanarıým qurylysy úshin oryn tańdap jatyr. Bul týraly jýrnalıserge Almaty qalasy ákiminiń orynbasary Bolat Saýranbaev aıtty.
Saýranbaevtyń málimetinshe, o basta qurylys úshin Saıran kóliniń jaǵasy tańdalǵan. Qazir onymen birge taǵy eki oryn qarastyrylyp otyr: "Atakent" kórme kesheni men Mádenıet jáne demalys ortalyq saıabaǵy. "Ortalyq saıabaqty ózimizge alǵanymyzdy bilesizder. Sondyqtan joba mádenıet basqarmasynyń jalpy baǵdarlamasyna ene me, sony qaraýymyz qajet. Ol Almatyǵa óte qajet. Bul baǵdarlamany biz jan-jaqty qoldaımyz", - dedi qala ákiminiń orynbasary.
Onyń málimetinshe, okeanarıýmdy "Rıts-Palas" oteline qarama-qarsy jerge salý da qarastyrylǵan, biraq sońǵy sátte odan bas tartyldy.
Eske sala keteıik, okeanarıým qurylysy týraly ıdeıany Almaty qalasynyń ákimi eń alǵash 2012 jyldyń aqpan aıynda jarıa etken bolatyn. Áýelide ol Saıran kólin abattandyrý jónindegi josparǵa enedi dep shamalanǵan edi. Esimov onyń oıyn-saýyq orny ǵana emes, sal aýrýyna shaldyqqan balalardy emdeýge bolatyn nysanǵa da aınalatynyn aıtqan bolatyn
Pikir qaldyrý