Budan bylaı Qazaqstannyń terrıtorıldyq tutastyǵyna qater tóndirip, separatıstik úndeý tastaǵandar 10 jylǵa sottalady. Bas prokýratýra úı ishinen úı tigýge oqtalyp, zańǵa qaıshy áreketke barǵandardy barynsha qatań jazalamaq.

Bul týraly 31 arna elimizdiń Bas prokýratýrasyna silteme jasap habarlady.

Ol úshin jańadan ázirlenip jatqan "Qylmystyq Kodeks"-ke arnaıy bap engizildi. Endi tipti ınternet jelisi arqyly birtustas eldiń belgili bir aýmaǵyn bólip alýǵa qatysty pikir aıtqandar da jazalanady. Ýkraınadaǵy jaǵdaıdan Qazaqstannyń kúshtik qurylymdary tıisti qorytyndy jasaǵan syndy. Májiliste birinshi oqylymda maquldanǵan Qylmystyq Kodeks, búgin taǵy bir pysyqtaldy. Tıanaqtalǵan zań jobasy kelesi sársenbi kúni jalpy otyrystyń kún tártibine shyǵarylady.

Normatıvtik qujatta Qazaqstannyń terıtorıalyq tutastyǵyna qater tóndirip, zańǵa qaıshy áreket jasaǵandar qamalatyny anyq jazylǵan.  QR Bas prokýratýranyń basqarma bastyǵy Arman Aıaǵanovanyń aıtýynsha, Qazaqstan Respýblıkasynyń terrıtorıaldyq tutastyǵyna qol suǵyp, Konstıtýsáıǵa qaıshy áreketterge shaqyrǵandar 7 jylǵa deıin, al qyzmettik jaǵdaıyn paıdalanyp, úndeý tastaǵandar 10 jylǵa deıin sottalady.

Vedomstvoaralyq jumys toby zań aldynda "ımýnıteti" bar mártebeli tulǵalardy ustaý men qamaýǵa alý talaptaryn da ózgertti. Bul tizimde Parlament depýtattary, Konstıtýsıalyq keńes músheleri jáne mártebesi konstıtýsıalyq zańdarmen retteletin ózge de joǵary laýazymdy tulǵalar bar. "Mysaly qarapaıym buzaqylyq jasaǵany úshin adamdarǵa 3 jyl jaza bolsa, bas bostandyǵynan aıyrý, depýttarǵa jáne konstıtýsıalyq keńes múshelerine basqa "ımýnıteti" bar adamdarǵa 7-8 jyl bolýy múmkin. Sondyqtan ol adamdarǵa memlekettegi asa jaýapty qyzmettegi adamdar úshin qoıylatyn jaýap joǵary bolǵandyqtan tekserý de joǵary bolsyn dep otyrmyz. Sebebi ol adamnyń jazasy anadan qaraǵanda 2-3 esege joǵary bolady", - deıdi májilismen Ramazan Sárpekov. Jábirlenýshilerge sep bolýy úshin tipti arnaıy qor qurylady. Oǵan aıyptynyń múlkin satýdan túsken qarajat jınalady. Qor esebinen jábirlenýge tıisti medısınalyq jáne basqa da kómek kórsetiledi. Ozyq elder tájirıbesine súıengen jumys toby, osylaısha birtindep keńestik kezeńnen qalǵan kemshilikterdi joımaq.

Bas prokýrordyń birinshi orynbasary Iogan Merkel AQSH-ta túske deıin jasalǵan qylmysy úshin tústen keıin zańdy jazasyn alyp, sottalǵan qylmyskerdi mysalǵa keltirdi. AQSH-ta bul júıe jyldar boıy qalyptasqan. Qazaqstanda tyń tájirıbeniń qanshalyqty sátti iske asaryn ýaqyt kórsetedi. Óıtkeni jańa Kodeks tıisti ınstansıalardan túgel qoldaý tapsa, 2015 jyldyń 1-shi qańtarynan bastap kúshine enedi.