Ýkraına BUU-na eldiń shyǵysynda birigip operasıa ótkizýge usynys bildirdi. Bul týraly Ýkraına prezıdentiniń mindetin atqarýshy Aleksandr Týrchınov BUU-nyń bas hatshysy Pan Gı Mýnmen telefon arqyly sóılesý barysyna aıtty dep habarlaıdy RIA Novostı.
"Eger sizderdiń kómekterińizben eldiń shyǵysynda antıterrorlyq operasıa ótkiziler bolsa biz qoldaýǵa daıynbyz. Mundaı bolǵan jaǵdaıda arnaıy mamandar men baqylaýshylar quqyq qorǵaý jolyndaǵy bizdiń áreketimizdiń durystyǵyna ózderi kóz jetkize alatyn edi" - dedi Týrchınov Pan Gı Mýnmen sóılesý barysynda.
Óz kezeginde Pan Gı Mýn Ýkraınaǵa BUU-na senýine bolatynyn jáne olardy qoldaıtynyn málim etken.
Buǵan deıin eldegi "Batkıvshına" partıasynyń lıderi Iýlıa Tımoshenko álem kóshbasshylarynan áskerı kómek suraǵan bolatyn. Tımoshenko óz málimdemesinde "Biz ózimizdi qorǵaı alatynymyzdy dáleldeýimiz kerek. Sol kede álem bizge qolushyn sozady. Men barlyq memlekettiń kóshbasshylarynan Reseıge qarsy sanksıanyń úshinshi kezeńin jarıalaýdy suraımyn. Sondaı-aq álem kóshbasshylarynan óziniń táýelsizdigi úshin kúresetin ýkraın halqyna áskerı kómek kórsetýin ótinemin" degen bolatyn.
Pikir qaldyrý